1903

Van Wikipedia
1900 - 1901 - 1902 - 1903 - 1904 - 1905 - 1906

't Joar 1903 is 't 3e joar in de 20e eeuwe volgenst de christelikke joartellienge.

Gebeurtenissn[bewerkn | brontekst bewerken]

Julien Lootens, êeste Tour de France in 1903
De Wright-Flyer van de gebroers Wright
januoari
  • 23 - Êeste ipvoerienge in Gent van 't naturalistisch drama Het Gezin Van Paemel van Cyriel Buysse. De dialoogn zyn in 't dialect en 't stik goat over d' historie van e boerefamilie die geconfronteerd wordt met oarmoe en sociale wantoestandn.
moarte
  • 11 - Den Aalstersche paster Adolf Daens houdt zyn êeste redevoerienge ols nieuwverkoozn volksverteegnwoordiger. Je valt scherp uut teegn de Katholieke Partye. Je kloagt de pasters an die by de latste verkieziengn ip de prikstoel in de kerke beweirdn dat ip de socialistn en de liberoaln stemmn e dôodzounde zou zyn.
  • 21 - De Keunienklyke Vlamsche Academie vo Toal-en Letterkunde bekrôont postuum den dichter Guido Gezelle vo zyn bundel Rijmsnoer.
meie
juni
  • 11 - Alexander Obrenovic, keunienk van Servië, wordt mè hêel zyn familie vermôord.
  • 16 - Henry Ford richt in Detroit de Ford Motor Company ip.
  • 29 - Wandoadn begoan in Congo-Vrystoat, privé-eigndom van de Belgische keunienk Leopold II in Afrika, lokkn officieel protest uut van de Britsche regerienge.
juli
  • 1 - Vertrek van d' êeste Rounde van Vrankryk. In totoal stoan der 60 coureurs an de start, en 't geroakn der mor 21 in Parys, woarounder de West-Vloamienk Julien Lootens (7stn). De winnoare is de Fransman Maurice Garin.
december
  • 17 - De Wright-Flyer, uutgevoundn deur de gebroers Wright, stygt ip vanof 't strange van Kitty Hawk in North-Carolina (Verênigde Stoatn).
  • 31 - De Keunienklyke Schenkienge, de bezittiengn die keunienk Leopold II an België geschounkn hèt in 1901 ip zyn 65ste verjoardag, wordt by wet anveird. Critici beweirn da Leopold met die schenkienge zyn dochters hè willn ountervn.

Geboorn[bewerkn | brontekst bewerken]

februoari
  • 13 - Georges Simenon, Belgische schryver
september
oktober
  • 10 - Prins Karel van België, groaf van Vloandern en regent van België

Overleedn[bewerkn | brontekst bewerken]

april
meie
Wikimedia Commons