2017
't Joar 2017 is e geweun joar die begunt ip e zundag. 't Is 't 17e joar in d' 21e êeuwe volgenst de christelyke joartellienge.
Gebeurtenissn[bewerkn | brontekst bewerken]
- januoari
- 1 - Malta pakt 't vôorzitterschap van de Road van d' Europeesche Unie over.
- 8 - In Jeruzalem rydt e vint met e camiong in ip militairn. Der valln vier dôoie. Den doader wordt deur andere militairn dôodgeschootn.
- 20 - Donald Trump wordt ols 45ste president van de Verênigde Stoatn beëdigd.
- 20 - By e busaccident by den Italioansche stad Verona veroengelukkn zestien joenge Hongoarn, lêerliengn van e schoole in Boedapest die ip skikamp gewist woarn in Frankryk.
- februoari
- In Roemenië gebeurn de grotste protestn sedert de revoluusje van 1989. De reedn is de regerienge-Grindeanu, die hoenderde politiekers en andere hooggeplatstn wil beschermn teegn de vervolgienge vo corruupsje.
- 11 februoari - moansverduusterienge
- 26 februoari - zunsverduusterienge
- moarte
- 13 - De Schotsche êeste minister Nicola Sturgeon lat weetn dat er in 2018 of 2019 e nieuw referendum goa kommn over e meugelike uuttredienge van Schotland uut 't Verênigd Keunienkryk.
- 15 - Reguliere verkiëziengn in Holland vo de Twêede Koamer. Winnoare is de VVD van Mark Rutte.
- 22 - Anslag in Londn. E vint rydt menschn omverre ip Westminster Bridge en je stekt e poliesje-agent dôod by 't Palace of Westminster. Der valln vuuf dôoie en viftig gekwetste. IS (Islamitische Stoat) eist den anslag ip.
- 31 - In Zevekote in West-Vloandern is 't rampeplan van kracht achter dat e gifwolke oentstoan is deur e lek in een ipslagtank mè salpeterzeur in e mestverwerknd bedryf.
- april
- 1 - Eirdverschuuvienge in 't Colombioans stadje Mocoa.
- 3 - By e bomanslag in de Russische stad Sint-Petersburg stervn 14 menschn en tientalln geroakn gekwetst.
- 4 - 't Nieuw brieftje van 50 euro wordt in gebruuk genoomn.
- 7 - By een anslag in Stockholm met e camiong stervn vier menschn en tientalln geroakn gekwetst.
- 16 - In e stembureau in Turkeye vo 't referendum over groendwetswyzigiengn wordt er geschootn en twêe menschn stervn.
- 20 - By een anslag ip de Champs-Élysées in Parys wordt êen poliesje-agent dôodgeschootn en twêe andere geroakn gekwetst.
- meie
- 7 - Twêede roende van de presidentsverkieziengn in Frankryk. Emmanuel Macron wint mè 66% van de stemmn.
- 13 - 't Euroviezjesongfestival in Kiev wordt gewonn deur Portugal mè 't liedje Amar Pelos Dois, gezoengn deur Salvador Sobral.
- 22 - By e bomanslag in Manchester deur e zelfmôordterrorist achter e concert van Ariana Grande in de Manchester Arena, valln 22 dôoie en mêer of 200 gekwetste. Den anslag wordt ipg'eist deur IS.
- juni
- 3 - Anslag in Londn. E busje rydt menschn omverre ip London Bridge en doarachter stekkn drie doaders ook menschn nere by Borough Market: 8 dôoie en 48 gekwetste.
- 5 - Montenegro wordt lid van de NAVO (Nôord-Atlantische Verdragsorganisoasje).
- 12 - Den Amerikoansche student Otto Warmbier wordt vrygeloatn achter dat 'n 17 moandn vaste zat in e Nôord-Koreoans gevang. J' ist er wel styf erg an toe en je sterft e weke loater.
- 14 - By e grôte brand in Grenfell Tower, e weuntorre in Londn, stervn 79 menschn.
- 21 - Den Al-Nuri-moskee in 't center van Mosoel in Irak wordt vernietigd deur IS.
- juli
- 1 - De Tour de France goat van start in Düsseldorf, Duutsland.
- 9 - De stad Mosoel in Irak wordt heroverd ip IS.
- 22 - Fibronilcrisis: de verboodn toepassienge van insecticide Fibronil in de pluumveesector wordt oenderzocht.
- ogustus
- 17 - Ip de Ramblas, e drukke boulevard in 't center van Barcelona, gebeurt er een anslag met e camionette die zigzaggnd ip de mênigte rydt. Doaby valln der 15 dôoie en 130 gekwetste. Den anslag wordt ipg'eist deur IS.
- 17 en 18 - In de nacht van 17 ip 18 ogustus ist er e misluktn anslag in Cambrils in Catalonië. Terroristn ryen met e busje ip menschn en e poliesjewoagn. Der valt 1 dôoin en 7 gekwetste. Uutendelik schiet de poliesje de 5 terroristn dôod.
- september
- 30 ogustus toet 15 september - De zwoarn orkoan Irma richt grôte schoa an in 't Caraïbisch gebied, Cuba en Florida. Der valln 124 dôoie.
- 24 - In Duutsland wordn verkieziengn g'houdn vo de Boendsdag.
- oktober
- 1 - In Catalonië wordt er e referendum g'houdn over oenofhankelikheid. Der breekn relln uut tusschn militante separatistn en de Spoansche poliesje.
- 14 - By e bomanslag in Mogadishu in Somalië stervn 385 menschn.
- 16 - Sjiitische miliesjes oender Irakeesche vlagge verdryvn de Koerdn uut de stad Kirkuk.
- november
- 5 - De Duutsche gazette Süddeutsche Zeitung publiceert de Paradise Papers. 't Is e verzoamelienge van 13,4 miljoen tekstn mè 't bewys over sluuproutes die multinationals en ênigte van de rykste menschn ter weireld gebruukn vo zo weinig meugelik belastiengn te betoaln.
- 12 - Eirdbevienge in Kermansah vlakby de grenze van Irak en Iran. Ook Israël en Turkeye wordn getroffn. Der valln 530 dôoie en e goeie 8000 gekwetste.
- 15 - Robert Mugabe, de president van Zimbabwe, wordt ofgezet en oender huusarrest geplatst. Achter 37 joar komt er een ende an zyn regime. Militairn grypn de macht.
- december
- 6 - Den Amerikoansche president Donald Trump erkent Jeruzalem ols hoofdstad van Israël.
- 28 - Deur e zwoare stormwiend woait er 's oavends in Nieuwpoort e kroane omverre ip een appartementsgebouw. E vrouwe overleeft de klap nie en heur vint gerakt zwoar gekwetst binst dan ze zoatn te kykn noa tv. 27 appartementn zyn oenbeweunboar verkloard.
Muziek[bewerkn | brontekst bewerken]
- Luis Fonsi & Daddy Yankee: Despacito
Geboorn[bewerkn | brontekst bewerken]
Gestorvn[bewerkn | brontekst bewerken]
- januoari
- 1 - René De Clercq (71), Belgische cyclocrosser
- 5 - Luc Coene (69), Belgischn econoom, politieker en bankier
- 8 - Peter Sarstedt (75), Britsche zanger-liedjesschryver
- 11 - François Van der Elst (62), Belgische foetballist
- 13 - Antony Armstrong-Jones (Lord Snowdon) (86), lid Britschn oadel en fottograaf, ex van prinsesse Margaret
- 21 - Adèle Bloemendaal (84), Hollandsche zangeresse, actrice en comédienne
- 25 - John Hurt (77), Britschn acteur
- 25 - Mary Tyler Moore (80), Amerikoansche actrice
- 30 - Gaston Onkelinx (84), Belgische politieker
- februoari
- 1 - Étienne Tshisekedi (84), Congoleesche politieker
- 10 - Piet Keizer, Hollandsche foetballist
- 12 - Al Jarreau (76), Amerikoansche zanger
- 16 - Dick Bruna (89), Hollandsche têeknoare en schryver van kienderboekn
- moarte
- 11 - Kitty Courbois (79), Hollandsche actrice
- 18 - Chuck Berry (90), Amerikoansche gitarist, zanger en componist
- 20 - David Rockefeller (101), Amerikoansche bankier
- 25 - Willy Courteaux (93), Vlamsche journalist en vertoaler
- april
- 23 - Chriet Titulaer (73), Hollandsche sterrekundign en tv-presentateur
- meie
- 23 - Roger Moore (89), Iengelschn acteur
- juni
- 6 - Sandra Reemer (66), Hollandsche zangeresse en presentatrice
- 16 - Helmut Kohl (87), Duutsche boendskanselier
- 30 - Simone Veil (89), Fransche politica
- juli
- ogustus
- 20 - Jerry Lewis (91), Amerikoanschn acteur, regisseur en kluchtigoard
- 28 - Mireille Darc (79), Fransche actrice
- september
- 18 - Jean Plaskie (76), Belgische foetballist
- oktober
- 9 - Jean Rochefort (87), Franschn acteur
- 13 - Jean-Noël Ternynck, Frans-Vlamschn dichter
- 17 - Danielle Darrieux (100), Fransche actrice
- 19 - Brice De Ruyver (62), Vlamsche criminoloog
- 24 - Fats Domino (89), Amerikoansche zanger en pianist
- 28 - Gert Timmerman (82), Hollandsche zanger
- 31 - Johan Taeldeman, Vlamsche toalkundign
- november
- 8 - Josip Weber (52), Krowoatisch-Belgische foetballist
- 19 - Jana Novotná (49), Tsjechische tennisster
- 21 - David Cassidy (67), Amerikoansche zanger en gitarist
- 25 - Louis Verbeeck (84), Vlamsche schryver
- december
- 4 - Christine Keeler (75), Iengels model
- 6 - Johnny Hallyday (74), Fransche zanger en acteur
- 7 - Philippe Maystadt (69), Belgische pollitieker
- 7 - Manu Ruys (93), Vlamsche journalist en publicist
- 14 - Marc Van Eeghem (57), West-Vlamschn acteur
|
Ofbeeldiengn die ier by passn ku je vien in de categorie 2017 van Wikimedia Commons. |