Abdy van Zeevnkerkn
Uit Wikipedia
De Abdy van Zeevnkerkn, oftewel ôok de Sint-Andriesabdy genoemd, is 't geestelikke centrum van Sint-Andries en van in feite de gansn oemgevink round Sint-Andries (Brugge).
Inoud |
[bewerkn] Den oeden abdy
De stichtienk van d'abdy vound ploats in de vroege Middelêeuwn. 't Charter werd getêkend ip 22 februari 1100 en werd deur den Groaf van Vloanderen in juni van dazelfste joar oundertekend. Ze aan besloten vo under abdy te stichten ip de platse van den udige parochiekerke van Sint-Andries en Sint-Anna. D'eerste monnikn kwaamn der ip 17 augustus 1117 weunn. In 1188 werd den abdy ounafankelik van de moederabdy. In de 14e eeuw brak ter e periode van groten welvoart an vo den abdy, die grounden en inkomsten kreeg. In 1240 werd het kerkgebouw, achter e langen ruze tusschn de paster van de paroche en d'abdy deur e meure in tweje verdild. In 1350 werd e stuk ground verkocht worip dat 't latere Sint-Anna-ter-Woestyne kartuzersklooster zoe komn.
In den twidden elfte van de 15e eeuwe ad den abdy grote schoade ipgelopen achter de bezettink deur de Duutse landsknechtn.
In 1521 brochtn Keizer Koarel V en ze broere Ferdinand e bezoek an d'abdy en weundegen ze de vespers by, e recente meurschilderienk erinnert aan dien gebeurtenisse.
In de 16e eeuw bereikte d'abdy e diêptepunt. Achter de vortdeurende verwoestiengn en plunderiengn blêevn ter uutendelik nog 4 monnikn over.
In de 17e eeuw werd de abdy e bitje opgekalefoaterd, mo de constante oorlogen, en de liggienk van d'abdy bûten de meuren van Brugge lieten opnieuw under sporen achter, en d'abdy werd zwoar geschoenden.
Den abdy was echter gelik zovele abdyen verwoest ten tyde van de Fransche Revolûse, just de 16e eeuwsche toren bleeft over. Dêen stoat er, achter een groundige restauratiebeurt, nog alsan en is in de udige parochiekerke gintegreerd.
[bewerkn] De nieuwn abdy
Ounderd joar derachter (1898) was 't er e Benedictynder uut Maredsous die e nieuwen gemêenschap stichtige by den oeden abdy. De neoromaansche-Byzantynsche abdykerke uut 1899-1900 êet zeevn kapelln in verschillende styln, ze doen e bitje peisen an de zeven grôote basiliekn van Rome. Sins 1910 ist er een abdyschole verboendn aan d'abdy. De joeners van de famille van de Keunink van België goan doar ounder andere ol generoates langk nor 't schole.
[bewerkn] De liggienk
Den abdy ligt in e gebied met vele busschn langs de weg van Brugge nor Zillegem en Toeroet, 't gebied van Zeevnkerkn omsloat tegenweurdig 50 ectoarn bus.
[bewerkn] Adres
- Sint-Andriesabdij Zevenkerken
- Zevenkerken, 4
- 8200 Sint-Andries Brugge
[bewerkn] Abten
- Michel Coune o.s.b. (1976 - 1984)
- Paul Standaert o.s.b. (1984 - 2005)
- René Fobe o.s.b. (2005 - )
