Adalolf van Boulogne

Van Wikipedia
Adalolf van Boulogne
933
Groaf van Boulogne
Periode918 - 933
VôorgangerBoudewyn II
IpvolgerArnulf I
VoaderBoudewyn II
MoederÆlfthryth van Wessex

Adalolf van Boulogne, ook Adelulf of Adalulf, in ‘t Frans Adalolphe en in ‘t Latyn Adalolphus, († 933), was groaf van Boulogne van 918 tout 933.

Adalolf was de zeune van Boudewyn II en Ælfthryth van Wessex, dochter van Alfred de Grôotn. Zyn broere Arnulf I van Vloandern was de derde Groaf van Vloandern.

Je zou genoemd zyn achter zyn overgrôtvoader langs moeders kant, den Iengelsche keunienk Æthelwulf van Wessex, die ook den êeste vint was van zyn grôtmoeder Judith. 't Woord Æthel komt vôorn in verschillige noamn van Angelsaksische keuniengn.

Zyn overgrôtvoader langs voaders kant was Karel de Kletsn van West-Francië, woadeure dat 'n ook ofstamde van de Karoliengers.

Achter den dôod van zyn voader in 918 kwamt ie groaf van Saint-Pol, Bonen (Boulogne) en Terwoan en krêegt ‘n de ryke Sint- Bertynsabdye.

In 926 wierd Adelolf deur hertog Hugo de Grôotn, groaf van Parys en voader van Hugo Capet van Frankryk, noar Adelolfs familie in Wessex gezoundn, vo te klappn mè keunienk Æthelstan. Je most doa ’t huwelik van Hugo met Æthelstan ’s zuster Eadhild regeln.

Achter Adalolfs dôod in 933, miek zyn broere Arnulf I van Vloandern hem mêester van zyn bezittiengn in ’t noadêel van Adalolfs zeuns, die nog te jounk woarn.

In 962 kwoamn zyn twi zeuns in ipstand teegn hunder nounkel en in 964 kost Arnulf II van Boulogne zyn recht ip Boulogne were ipeisn.

Achter Arnulf I ’s dôod in 965 kwam Adalolfs ounwettige zeune Boudewyn voogd van Arnulf II van Vloandern, die nog te jounk was.

Zyn jounges[bewerkn | brontekst bewerken]