Adela van Mêesn

Van Wikipedia
Ga naar: Begunplekkn, zoeken
Dit artikel es geschreevn in 't Mêesns, en da zou best ozô bluuvn.

Adela van Mêesn
1009 - 1079
Blason Comte-de-Flandre.svg
Gravinne van Vloandern
Periode 1035 - 1067
Vôorganger Eleonora van Normandië
Ipvolger Richilde van Henegouwn
Voader Robert II van Vrankryk
Moeder Constance van Arles

Adela van MêesnVrankryk 1009 - Mêesn 8 januoari 1079), oek gekend lik Adela van Vrankryk of Adela Capet. Adela wos e dochter van Robert II, e keunienk va Vrankryk, en Constance van Arles.

Neur leevn[bewerkn | brontekst bewerken]

Ze wos êest getrouwd mi ertog Richard III van Normandie. Achter zyn dôod is ze in 1028 ertrouwd me groaf Boudewyn V van Vloandern. Tope me nem a ze 4 joens: Boudewyn VI, Mathilda van Vloandern (die trouwde me Willem den Veroveroare), Robrecht I van Vloandern en Hendrik van Vloandern.

Toen da Boudewyn V van Vloandern dôod wos in 1067, gienk Adela na d'abdy va Mêesn. In 1057 adde ze doa e klôoster (in de orde va Sint-Benedictus) esticht voe Fransche edeldames.

De legende van Adela[bewerkn | brontekst bewerken]

Toen da Adela in Mêesn kwam weunn, krêeg ze van Willem van Mêesn, patriarch van Jeruzalem, e stiktje out van 't kruus woa da Jezus van Nazareth a gestorven wos. Op e nacht krêeg Adela e visioen. E vrouwe vroeg neur om e procesje te doen mi die relikwie. Adela stoeg op, en ze voenk e rôon droad op 't altaar in de kerke. Op neur kniejn en elleboogn voogde ze dien droad, en neur volgeliengn markeernde de route da ze dei.

Achter neurn dôod[bewerkn | brontekst bewerken]

  • Adela is loater van tyd zoalig verkloard. Neurn fêestdag volt op 24 februoari. Oender de Sint-Nikloajkerke in Mêesn, in de Romaanse crypte, legt er e gedenkploate ter êre van Adela.
  • De legende van Adela wos 't begun van 'n Grôotn Kêer, e processje die nu nog ossan in Mêesn bestoat. Ze begunt op 'n dag van de Eilige Kruusvereffieng (14 september) en deurt neegn doagn. In 2007 woarn d'r 613 wandeloars.