AMOLED

Van Wikipedia
(deureverweezn van Amoled)
Ga naar: Begunplekkn, zoeken
AMOLED.png

Een AMOLED-scherm of Active-matrix OLED (Active-matrix organic light-emitting diode) is e technologie die vôortkomt uut OLED-schermn.

Werkienge[bewerkn | brontekst bewerken]

Een active matrix OLED (AMOLED)-scherm bestoat uut OLED-pixels die verwerkt zyn in e thin film transistor (TFT). De pixels kunn g'integreerd zyn in de dinne loage van den TFT of derip geplatst zyn. De pixels zyn ozô gerangschikt dan ze e rôoster van pixels vormn. Tussn de TFT-loage en de kathodeloage is ter e loage met orgoanisch materioal da goat iplichtn ot er een elektrieke activerienge es. Vo te bepoaln hoe kloar dat e bepoalde pixel moet iplichten wordt er e controle uutgevoerd deur twi TFT's. Der is êen die et startn en stoppn van 't loaden va ne condensator controleert. Den twiddn dient vor e spanningsbron ip niveau t' houdn die nôdig es vor e constante elektrieke strôom te leevern vo de pixel.

Vôordêeln[bewerkn | brontekst bewerken]

Een AMOLED-scherm goat ip ieder moment werkn by e lêeg strôomverbruuk. Da resulteert in e constante kloarheid en e goeie videoratevôorstellienge. Da makt AMOLED-schermn styf antrekkelik vo mobiele elektronica woarby da 't energieverbruuk belangryk es en woarby de schermn grôter zyn of 2 tot 3 inch diagonoal.

Noadêeln[bewerkn | brontekst bewerken]

Et grôotste noadêel van AMOLED-schermn es ongetwyfeld et feit dat 't e complex ontwikkelingsproces es. Een ander noadêel es dat 't nog vrêe diere es vo de schermn te produceren.

Toepassiengn van AMOLED-schermn[bewerkn | brontekst bewerken]

Toepassiengn van da sôort schermn es te vindn in de MP4-spelerbranche woar da ter toch grôtere schermn gebruukt zyn. Samsung es bezig mè d' ountwikkelienge van tv- en laptopschermn woarin da d' AMOLED-tekniek toegepast zou zyn. Samsung hèit ôok ol mobiele telefongs en digitoale camera's met AMOLED-schermn.