Antwerpn
Antwerpn (Nederlands: Antwerpen) is noar inweuneroantal de grotste gemêente van Belgie. In de gemêente zelve weun d'r om en by de 450.000 inweuners (tellienge van 2005). Antwerpn is ôok de oofdstad va provinsje Antwerpn. Den burgemêester is Bart De Wever van den N-VA.
De stad legt an de Schelde en is dankzy zyn oavn e "weireldstad". Wie Antwerpn zegt, peist direct ôok an diamantn. En sedert kort is de stad ôok weireldberoemd voe ze Mode-Academie ('Antwerpse Zes').
De inweuners van Antwerpn noemn ze ôok "Sinjoren". Moa dat is eigentlik een êretitel da je ollêne meugt droagn a je ol drie generoasjes lank binn de oude stadsmeurn (nu: de Leien) gebôorn zyt. Echte Antwerpnoars en de reputoasje dazze e grôotn moend en, en dikkenekkn zyn.
Inoud |
Districten [bewerkn]
De stad Antwerpn is verdêeld in de volgnde districtn: Antwerpen, Berchem, Berendrecht-Zandvliet-Lillo, Borgerhout, Deurne, Ekeren, Hoboken, Merksem en Wilrijk.
Etymologie [bewerkn]
De noame Antwerpn komt volgens de legende va de reuze Druon Antigoon. Dien stoeg ip de Schelde mi zyn êen bêen op de linkeroever, en mi ze rechterbêen op de rechteroever. An ol de schepen die oender nem passeerdn vroegtn belastieng. Moa dat woas ni na de goeste va Silvius Brabo, e Romeinsn soldoat. Brabo kapte 'n and of van de reuze en smêet nem in de Schelde (hand-werpen). De echte betekenisse komt verzekers van "aangeworpen land" in de droaj van de Schelde.
Een poar attraksjes [bewerkn]
- Brabo: de fonteine op de Grôte Mart.
- De Grote Markt
- Het Steen: e vroeger gevang, nu e scheepvoartmuseum
- De Zoo van Antwerpn
- Het Centraal Station, ebouwd in 1905
- De Onze-Lieve-Vrouwekathedraal: 123 meters oge, e poareltje va gotische architecteure
- De Carolus Borromeuskerk: barok toet en met
- De Cogels-Osylei: Art Deco-uuzn
- Boerentoren, den êestn wolknkrabber van Europa.
- De Meir, e winkelstroate mi de ketens daj overal elders oek vindt.
- Het Koninklijk Museum voor Schone Kunsten (KMSKA)
- Het Rubenshuis
- Het Plantin-Moretusmuseum
- Het Rockoxuus
- De Vogelenmarkt: voerol eliefd by d'Ollanders die 't verkêerdelik Vogeltjesmarkt noemn. 't Is e potpourri va verkoop van bêestjes, klêers, eten en drinken en e bitje brocante. Iedern zundagnuchtend toet een eure of twêe.
Sport [bewerkn]
- In Antwerpn ej drie voetbolploegn in d'ogste reeksen: Beerschot (1ste klasse), Antwerp FC (twidde klasse), en Berchem Sport (vierde klasse).
- De Proximus Diamond Games, e tennistornooi voe vrouwn in 't Sportpaleis. Win je drie kêers in vuuf joar, toe win ej e rakette mi diamantn.
Gebôorn of dôodegoan in Antwerpn [bewerkn]
Olgemêen [bewerkn]
- Peter Paul Rubens (1577-1640), schilder
- Antoon van Dyck (1599-1641), schilder
- Hendrik Conscience (1812-1883), schryver
- Peter Benoit (1834-1901), componist
- Willem Elsschot (Alfons De Ridder) (1882-1960), schryver
- Constant Permeke (1886-1952), schilder
- Lode Zielens (1901), schryver
- Edward Schillebeeckx (1914), theoloog
- Hubert Lampo (1920-2006), schryver
- Leo Apostel (1925-1995), filosoof
- Dora Van Der Groen (1927), actrice
- Bob Mendes (1928), schryver
- Jef Geeraerts (1930), schryver
- Wannes Van de Velde (1937), zanger
- Panamarenko (1940), beeldouwer
- Ann Christy (1945-1984), zangeresse
- Hubert Damen (1946), acteur
- Georges Pintens (1946), koereur
- Kris De Bruyne (1950), zanger
- Maarten Van Severen (1956-2005), ontwerper
- Dries Van Noten (1958), modeontwerper
- Jan Fabre (1958), kunstenoare
- Frank Vercruyssen (1965), acteur
- Marc De Hous (1966), tennistrainer
- Rudy Trouvé (1967), muzikant
- Ann Ceurvels (1968), actrice
- Els Callens (1970), tennisster
- Tom Barman (1972), muzikant
- Britt Van der Borght (1973), actrice
- Tia Hellebaut (1978), oogspringster
Politiekers [bewerkn]
- Jan Van Rijswijck (1853-1906)
- Lode Craeybeckx (1897-1976)
- Karel Dillen (1925)
- Bob Cools (1934)
- Leona Detiège (1942)
- Gerolf Annemans (1958)
Varia [bewerkn]
- In Antwerpn noemen ze Blanknberge "'t Antwerpn an de kust". In de zomer krioelt het doa van de Antwerpnoars.
Externe koppelienge [bewerkn]
 |
Mêer ofbeeldiengn die ier by passn ku je vien ip Antwerpn ip Wikimedia Commons. |
