Armand Pien

Van Wikipedia

Armand Nicolas Pien (Gent, 2 januoari 1920 – Ukkel, 22 september 2003) is voarol bekend omdat je gedeurende 37 joar (1953 - 1990) 't weerbericht deed vo den BRT en loater den VRT.

Zyn leevn[bewerkn | brontekst bewerken]

Je studeerde an den Rijksuniversiteit Gent an kwaamd uut as licensioat wiskunde. Armand Pien was goed bevriend mè striptêkenoare Marc Sleen, en Sleen staakt in zyn stripreeksn af en toe een poar kluchtn van Pien. In 2003 stierf Armand Pien up 83-joarige leeftyd van een hertanvol. Up 't moment was tje nog olsan bezig and 't Koninklijk Meteorologisch Instituut (KMI) in Ukkel.

Weerman[bewerkn | brontekst bewerken]

Achter den BBC was de Vlamse televisie den êestn in Europa die een weerberichtprogram up den TV uutzound. Pien haad de goave van complexe atmosferische verschynsels in geweune wôordn te kunn'n uutêen zettn. Azo klaptig tjie dikwils over de stroalstrôom, omdat die essentiêel is vo bepolade weerpatrôonn te verkloarn.

Manier van prèsenteern[bewerkn | brontekst bewerken]

Pien was een populaire figeure die olsan een bitje humor in zyn presentoasjes staak. 't Weerbericht volgdig over 't olgemêen 't nieuwsbericht, moa was nie geprogrammèrd vor een vastn tydsdeure. Je naam zynzelve nôois te serieus up, en makte vantydn graptjes od een vôorspellienge nie goed uutkwaam. Azo zei tje een kê da "mijn weerberichten kloppen altijd alleen het weer houdt er zich niet aan". Je vermeldigde ôois ook dat je in de ruumte roundvloog, een verwyzienge dat er een asteroïde (2816 Pien) achter hem genoemd was.

Stroalstrôom[bewerkn | brontekst bewerken]

Achter 't inbriengn van de stroalstrôom in zyn weerberichtn bleef Pien dikwils zyn tyd verre vôruut. Zels on computers nog in de kienderkousn stoundn, maktige Pien vorspelliengn vor een weke verre mè 't gebruuk van computers in Offenbach (Duutsland) en Reading (Iengeland). Je wist ook zyn kykers t' interesseern an d' ountwikkeliengn in de ruumtevoart.

Pseudoweetnschappn[bewerkn | brontekst bewerken]

Pien was een sterke tegenstander van pseudoweetnschap, en j' haa vôrol kritiek teegn astrologie en UFOs. In 1968 nam tje dêel an een TV-debat met een astroloog.

Activiteitn[bewerkn | brontekst bewerken]

Armand Pien was ounder andere medestichter en besteurslid van den VZW Vrienden van de Oude Sterrenwacht van 't unif in Gent, die by d' officiêle openienge in 1996 zyn name kreeg. Je was ook woarnemend directeur van 't planetarium in Brussel en êrelid van SKEPP.

Beholve up den BRT, woardat je omtrent 5000 weerproatjes maktige, was tj' ook wekeliks te beluustern op den radio, woarda tje omtrent 3000 kêern verscheen. In 't program van Lutgart Simoens up de vrydagnuchtend up BRT-2 antwôordigde tjie gedeurende een olf eure vroagn van 't publiek.

Externe koppelienge[bewerkn | brontekst bewerken]