Art Nouveau (Blanknberge)
Uit Wikipedia
Art Nouveau is een kunststromienge die ip verschillnde plekkn in Europa ipkwam tusschn 1880 en 1914.
Inoud |
[bewerkn] Art Nouveau in Blanknberge
In de periode da Blanknberge uutgroeide van een schoamel visschersstadje noar een mondaine badplatse in de twiddn elt van de 19e êeuwe was 't er een nieuwe kunststyl in vullen ipgang die de "Art Nouveaustyl" genoemd wierd. Belgische architectn lik Victor Horta, Henri Van de Velde, Paul Hankar, Gustave Serrurier-Bovy geraktn weireldbekend met under bouwwerkn. Den anleg van de spôorlyne in 1863 gaf 't toerisme in Blanknberge een enormen impuls. Ryke menschn zochtn d'r een verbluuf vo hêel under familie. Ip kortn tyd wierdn d'r nieuwe stroatn angeleid en vulgebouwd me chique villa's. Lokoale architectn inspireerdn under ip de nieuwe styl. In dien tyd woaren êest Ostende en ton Blanknberge de twi belangrykste badplatsn an uze kust. 't Uutbreekn van den Êeste Weireldoorloge betêkende 't ende van de Art-Nouveaubewegienge. Tusschn de twi weireldoorloogn wierd er druk bygebouwd moar in een anderen trant. Achter de twidde weireldoorloge wierdn vele beschoadigde pandn nie mir ersteld moa geweune ofgebrookn.
[bewerkn] Tegelplateaus
In Blanknberge dateren d'r nog styf vele uzen uut de periode tusschn 1890 en 1915. Deur de specioale weersomstandigeedn an de kust wierd er geglazeurde bakstêen gebruukt vo de gevelbeklêdienge en algauwe wierdn de gevels en terrassn versierd me prachtige wandtegelplateaus. Grôte en gekende gebouwen zyn d'r wel nie, moar ip gebied van kwaliteit, varioatie en antal van z'n tegelplateaus wordt Blanknberge gereeknd by de Europese topklasse.
[bewerkn] Toerisme
In Blanknberge wordn d'r geregeld "Art-Nouveau-wandeliengen" uutgestippeld langs de schôonste uzen. D'r wordn ton platselikke anekdotes verteld over de nostalgische Belle-Epoque-sfeer.
