Atmosfeer (êenheid)

Van Wikipedia
Ga naar: Begunplekkn, zoeken

Den atmosfeer was vroeger de standoardêenheid vor druk te meetn, met as symbool atm, en is nu vervangn deur den SI-êenheid de Pascal (Pa). Êen atmosfeer stoa gelyk an 101.325 Pascal. Vô praktische metiengn is den atmosfeer vervangn deur de bar, die gelykstoat an 100.000 Pascal.

Geschiedenisse[bewerkn | brontekst bewerken]

In 1954 beslôot de tienste Conférence Générale des Poids et Mesures (CGPM) de standoard atmosfeer vor olgemêen gebruuk t' adopteern, en steldigd' hem gelyk an 1.013.250 dyne per vierkante santimeter. De weirde was veroundersteld van de gemiddelden luchtdruk up zêeniveau vôorn te stelln vor een gebied up d' Eirde met de zelste brêedtegroad gelik Parys.

In scheikunde wierd den ôorsprounkelike definiesje van "standoardtemperateure en -druk" gezet up 0 °C (of 273,15 K) en 1 atmosfeer. In 1982 wierd da veranderd zodoanig dat een standoarddruk uutgedrukt wierd as 100 kPA of 1 bar.

Gelykoardige drukêenheedn[bewerkn | brontekst bewerken]

Een druk van 1 atmosfeer kan uutgedrukt wordn in de volgende êenheedn:

  • 1,01325 bar
  • 1013,25 hPa (hectopascal)
  • 1013,25 mbar (millibar)
  • 760 torr, genoemd achter Torricelli, en gelyk an de druk van 1mm kwik
  • 760,001 mm Hg by 0 °C
  • 29,9213 inches Hg by 0 °C
  • 1,033 227 452 799 886 kgf/cm²
  • 1.033 227 452 799 886 technischn atmosfeer
  • 1033,227 452 799 886 cm woater by 4 °C
  • 406,782 461 732 2385 inches woater by 4 °C
  • 14,695 948 775 5134 pond kracht per vierkante duum (psi)
  • 2116,216 623 673 94 pond kracht per vierkante voet (psf)