August Beernaert

Van Wikipedia
Ga naar: Begunplekkn, zoeken
Dit artikel es geschreevn in 't Ostends, en da zou best ozô bluuvn.

August Beernaert roend 1900.

Auguste Marie François Beernaert (Ostende, 26 juli 1829 - Luzern, 10 juni 1912), in 't Vlams mèstol August Beernaert genoemd, was 'n belangryke polletieker voe de kaloten en den èèrste minister van België van 1884 toe 1894.

Je was 'n geboren Ostendenoare, moa wier doe z'n oeders in 't Frans upgevoed. De famielje veruusde loater nor Noamn. Je studeerde rechten in Leuven, Berlyn, Parys , Heidelberg en Leipzig. Loater wiert je advokaat.

Z'n karjère in de Belgiese polietiek was gemarkèèrd doe de vele ruuzjes van dien tyd tusschen katoliekn (mèèst Vlamiengn) en oengelovigen (mèèst Woaln). Je was ook raadgever van Leopold II over de Kongo. In dien tyd gebruukte België nog het Britse kiesstelsel en voe zekers verkoozn te weirden (zowel Noamen of Ostende waren toens te liberaal) wast je kandidaat in Tielt.

In 1899 wiert je veurzitter van de Internasjonale Konferensje voe de Vrede in Den Haag en begost z'n internasjonale karjère va pasiefiest. In 1909 woent je tope mee Paul d'Estournelles de Constant de Nobelprys voe de vrede, nadat je kampanje gevoerd aat teegn 't keldern va prive scheepn doe oorlogsboten en voe 't verbod up vliegtugen in den oorlog. J'is gestorven in Zwitserland an 'n loengoenstekienge, en wier begraven in Brussel (up 't kerkof va Bosvoorde).


Externe Koppelienge[bewerkn | brontekst bewerken]

Biografie in 't Iengels