Beitem

Uit Wikipedia

Beitem is een gehucht in de provincie West-Vloandern. ’t Ligt ip ‘t groundgebied van Rumbeke, een dêelgemêente van de stad Roeseloare. Beitem ligt een goeie vier kilometer ten zuudn van ‘t stadscentrum, ip de stêenweg van Roeseloare noa Mêende (N32). ‘t Grenst an Môoslee en Legem.

[bewerkn] Geschiedenisse

In de loate middelêeuwn stound, temiddn van uutgestrekte bussn langst den oude heirweg Roeseloare-Meende, 't "Gasthuis Ten Bunderen". ’t Was een klêen klôoster, beweund deur nunn die ounderdak goavn an bedevoarders ip deurtocht. Ip oude koartn, lik ip een koarte van Mercator in 1570, stoat de noame “Ten Bunderen”, “Bunderen” of “Bunder”, woa da Beitem nu ligt.

Loater tout olverwege de 19e êeuwe was ’t er ip die plekke een gehucht round ’t café “De Meerlaan”. De noame “Beitem” bestound ton nog nie. De menschn mostn ’n eure te voete goan noa de parochiekerke van Rumbeke, Legem of Môoslee. De familie Beheydt schounk in 1865 ground vo de bouw van een kerke, Sint-Godelieve. Al gauwe wierd ’t gebied in de volksmound “Beheydtem” genoemd, moa ’t deurde nog tout 1889 êer da de parochie erkend wierd ounder de noame Beitem.

Binst den Êeste Weireldoorloge is de kerke zwoar beschoadigd, moar in 1922 were ipgebouwd.

Beitem krêeg in 1889 een tringstoatie langst de nieuwe spôorlyne Roeseloare-Mêende. Die spôorlyne bestoat nu nie mê en de stoatie is nu een uus.