Bertelôot

Van Wikipedia
Ga naar: Begunplekkn, zoeken

De bertelôot of zêe-iengel (Squatina squatina) is e vis uut de familie van iengelhoain (Squatinidae).

Uutzicht[bewerkn | brontekst bewerken]

De bertelôot is e platte, klêene sôorte hoaie me brêe borstvinn. J'is a-peu-près 0,9-1,2 meter lank en je weegt gemiddeld tout 80 kilo. D'r zyn sôortn die 2,5 meter lank kunn wordn. Under bovenkant is bruungrysde van kleur met ounregelmoatig gevormde, dounkere vlekkn, under buuk is vuulwit. 't Wuvetje is assan veel grotter of 't vintje.

Uutzicht van de zêe-iengel


Leefgebied[bewerkn | brontekst bewerken]

De bertelôot is e zoutwoatervis. Je prefereert e gemoatigd klimoat en leeft hoofdzoakelik in den Atlantischn Oceoan, moar ook in de Middellandsche Zêe. Langst uze kust kom j' allêne moa jounge exemploarn teegn, surtout in de zomer.

Eetn[bewerkn | brontekst bewerken]

Zêe-iengels eetn surtout vissn, kreeftachtign en wêekbêestn.

Vôortplantienge[bewerkn | brontekst bewerken]

't Wuvetje is levendboarend, lik de mêeste hoain. In de zomer krygt z' a-peu-près 7 tout 25 joungsjes van ca. 20 cm. lank.

Wikimedia Commons

Externe koppelienge[bewerkn | brontekst bewerken]