Bevern (Roeseloare)
| Bevern | |
|---|---|
| [[ofbeeldienge:{{{foto}}}|300px]] {{{byschrift}}} |
|
 |
|
| Geografie | |
| Provinsje |  West-Vloandern |
| Gemêente | Roeseloare |
| Coördinoatn | 50°58′NB 3°08′OL |
| Oogteliggienge | {{{hoogte}}} m |
| Ippervlakte | km² |
| Bevolkienge (Bron: NIS) | |
| Inweuners – Bevolkiengsdichtheid |
() /km² |
| Vintn Vrown |
{{{mannen}}}% {{{vrouwen}}}% |
| Andre info | |
| Postcode | 8800 |
| Zonenummer | |
Bevern is een dorp in de provincie West-Vloandern en een dêelgemêente van Roeseloare. Der zyn 5420 inweuners (tellienge 2004) en 't wos tout 1965 een zelfstandige gemêente. Bevern ligt in 't nôordôostn van Roeseloare-centrum.
Inoud |
Geschiedenisse[bewerkn]
De noame Bevern is ol were te viendn in documentn van de 11ste êeuwe. Êest wos 't Beverna, loater Bevrene, Beiverne, Bevre en Bevern. De noame Bevern verwyst noa 't Keltisch "Bebrona" (bebro-bever) of misschien komt 't van 't Germoans "Bivruno" (bivru=bever).
Vo de Fransche Revolutie wos Bevern ingedêeld in twêe "heerlikheedn": Bevern en Onlede. Ols woapn voert 't dorp 't schild van Jan van Vlaanderen, heer van Bevern en Onlede, bastoardzeune van groaf Lodewyk van Male.
Bevern wos toet 1960 een rustig boeredorptje met één grôot bedryf, de carrosserie Jonckheere. Vanof 1960 is Bevern styf veranderd. In de plekke van 't stoasjekwartier kwamt er een industriezone, "Roeselare-Noord" en in 1987 een bedryvncentrum woa da begunnende zelfstandign under bedryf voorlopig kunn ipstartn.
14-18[bewerkn]
In 't boek "Beveren-Roeselare in de Grote Oorlog" schryft Gabriël Verbeke (geboorn in Bevern in 1937) over 't boeiend moa vergeetn oorlogsverleedn van Bevern.
De burgers van Bevern zoatn vier joar lank, van 1914 tout 1918, ipgeslootn binn de grenzn van under gemêente. Ze mochtn moa weg uut Bevern mè toestemmienge van de Duutse bezetter. Ze woarn verplicht van 's oaves binn te bluuvn en ze mochtn wok nie mê noar under dorpscafés. De Duutsers controleerdn olles, de productie en verdêlienge van 't groan, de petattn, groensels, 't fruut, koeien, melk en d' eiers. Teetn weird gerantsoeneerd. De burgers van Bevern leefdn wok hêelsan onder de dreigienge van 't oorlogsgeweld. De vintn wierdn ipgevorderd vor an 't frount te goan werkn. En vele families mostn in 1917 ip 't bevel van de Duutsers olles achterloatn en noa 't verre Herentals verhuuzn. Bevern zag der uut lik 'n spookdorp.
Parochie[bewerkn]
De parochie H.Kruisverheffing wos overtyd de St.Germanusparochie. Achter e luchtbombardement van de Duutsers in juli 1918 is de kerke in 1923-1925 heripgebouwd in gilwe zandstêen. By de kerke stoat er e schandpoale uut 1778 en e monument vo de twêe weireldoorloogn.
Sedert ogustus 1970 is 't er wok e kerke ip de Kapelhoekwyk, de St.-Catharinakerke.
Ip 't kerkhof van Bevern ligt de coureur Jean-Pierre Monseré begroavn t' hope mè zyn zeuntje, dat in 1976 ip 7-joarige leeftyd veroungelukte mè zyn velootje, dat 'n vo zyn êeste communie gekreegn had van Freddy Maertens.
Externe koppelienge[bewerkn]
-Schandpaal.jpg)
 |
Mêer ofbeeldiengn die ier by passn ku je vien in de categorie Beveren (Roeselare) van Wikimedia Commons. |
