Bloedroad

Van Wikipedia
Ga naar: Begunplekkn, zoeken
Den Hertog van Alva vo de Bloedroad

De Bloedroad is de noame die gegeevn is an de Road van Beroertn, e soorte rechtbank die ipgericht is deur den Hertog van Alva ter vervolgienge van de protestantn.

Binst de protestantse reformoasje in de 16e êeuwe woarn de calvinistn in ipstand gekommn teegn de katholieke kerke.

In 1566 begostn ze de beeldn en andere religieuze kunstwerkn in de kerkn en klôosters te vernieln, de Beeldnstorm genoemd.

Filips II van Spanje was roaznd en je stelde Alva an ols landvoogd. Je mocht ip zyn maniere korte mettn moakn mè den ipstand.

In ogustus 1567 vertrokt ie met e leger van 10.000 soldoatn van Spanje no de Nederlandn en je richtte doar in Brussel de Road van Beroertn ip, nie vo nieks de Bloedroad genoemd. ’t Was e sôorte rechtbank woa dan de ketters en ipstandige protestantn veroordêeld wierdn. Wien dat er hem verzette teegn ’t Spoans regime wierd ofgeslacht. Der woarn à peu près 1100 executies. De groavn Egmont en Horne woarn by d’êeste slachtoffers. De 5dn juni 1568 wierdn ze in Brussel publiekelik oenthoofd ols voorbeeld.

In 1574 is de Bloedroad ofgeschaft deur Alva zyn ipvolger Luis de Requesens y Zúñiga.

Wikimedia Commons