Blue Star Poperinge

Van Wikipedia
Dit artikel es geschreevn in 't Poperiengs, en da zou best ozô bluuvn.

Blue Star Poperinge
Officiële noame {{{volledigenoame}}}
Bynoame {{{bynoame}}}
Opgericht {{{opgericht}}}
Stadion Don Bosco
Complex {{{complex}}}
Capaciteit +/- 500
Vôorzitter Willy Lamaire
Trainer Jerko Tipuric
Competisje Bevorderieng
Team colours Team colours Team colours
Team colours
Team colours
 
Thuuskleurn
Team colours Team colours Team colours
Team colours
Team colours
 
Uutkleurn
geldig vôorn 2008/09

Portoal Sport
Don Bosco
Match teegn KSC Blankenberge (29sn moarte 2009)

Koninklijke Blue Star Poperinge is e foetbolploeg uut Poperienge. De club is esticht in 1940 en et stamnummero 3172. In Poperienge zelve klappn ze kortweg van ’n Bleu Star. In ‘t sezoen 2010-2011 speeln ze vo 't twidde joar te reke in Bevorderieng.

Geschiedenisse[bewerkn | brontekst bewerken]

‘n Bleu Star is esticht in 1940. In ‘t begun gounk ‘t om e wykploegsje, moar ol rap wilnde ze meidoen an officiële competisjes. In september 1941 slôotn ze an by de Belgische Voetbalbond. Lik of dat ‘t ôorlog wos en Poperienge vul liep mi Iengelsche soldoatn, koozn ze vo een Iengelsche noame: Football Club Blue Star Poperinge. ‘t Logo wos e blauwe sterre op e wittn achterground.

Tusschen 1941 en 1974 veraarde de club bykan 10 keirs van terring. In 1986 bouwde Bleu Star, tope mi FC Poperienge, e nieuw stadion op ‘n Don Bosco. Styf vele succes adde de club nie: ze speelnde bykan deurloopnd in de lêegste klasse (4de Provincioale). Moa de menschen van ‘n Bleu Star woarn d’r wel preus op da ze ossan me eigen spelers speelnde - etwot da gebeur FC Poperienge ni koste zeggen.

In de latste joarn goat et sportief beter. In april 2003 goengn ze over na Êeste Provinciale. In 't sezoen '09-'10 komn z'uut in Bevorderieng.

De latste sezoenn 2007-2013[bewerkn | brontekst bewerken]

In 't sezoen 2007-2008 won Bleu Star d'eindrounde van Êeste Provinciale deur Boezienge en Ôostnieuwkerke te kloppn. In d'interprovincioale eindrounde kwaamn z'uut teegn RFC Bioul 81 uut de provinsche Noamn. Ze verlôorn mi 2-1 en muchtn dus ni over na Vierde Klasse.
In 2008-2009 speelde Bleu Star speelde e goe sezoen. Êén match vor 't ende wos ol zeker da ze kampioen giengn speeln. 't Noaste sezoen meugn ze dus over na Bevorderieng.
In Bevordering speelt Bleu Star hêel 't sezoen (2009-2019) teegn degradoasje. Op 'n latsn speeldag kunn ze nunder reddn, met e drow teegn Sint-Eloois-Winkel. Bleu Star endigt 4de latste, moa meugt ouk 't joar drop in de Nationoale reeksn speeln.
In 't twidde sezoen in Bevordering (2010-2011) zyn d'r minder probleemn. Bleu Star droait mei an de subtop en endigt op de 7e plekke. Dit is ouk 't sezoen dat Jerko Tipuric stopte als trainer: e blêef 4 joar by de Bleu Star.
In 2012-2013 wint Bleu Star wint e periodetitel en meug ze d'eindrounde speeln. Moar in 2013 rochte ouk bekend dat 'n êestn ploeg gounk fusioneern mi KVK Ieper. Ollêne de jeugdreeksen zou nog ounder de noame Blue Star Poperinge speeln. De fusjeploeg noemt KVK Westhoek en goa 't joar d'rop in Yper speeln.

Externe koppelienge[bewerkn | brontekst bewerken]