Brèènienge
Uit Wikipedia
- Dit artikel es geschreevn in 't Brèèniengs, en da zou best ozô bluuvn.
 Gemeente Brèènienge |
|
|---|---|
| Bredene | |
 Liggienge binn 't arroundissement Ostende in de provinsje West-Vloandern |
|
| Woapen | Vlagge |
 |
 |
| Geografie | |
| Gewest |  Vloandern |
| Provincie |  West-Vloandern |
| Arroundissement | Ostende |
| Liggienge | 51°14' NB 02°58' OL |
| Liggienge | {{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL |
| Ippervlak | 13,08 km² |
| Inweuners (Bron: NIS) | |
| Inweuners – Vintn – Vrouwn – Bevolkiengsdichtheid |
15.118 (01/01/2006) 49,69% 50,31% 1156 inw./km² |
| Leeftydsipbouw 0–17 joar 18–64 joar 65 joar en ouder |
(01/01/2004) 20,93% 63,45% 15,62% |
| Buutnlanders | 2,09% (01/07/2005) |
| Weirklôoseidsgroad | 9,97% (01/01/2006) |
| Polletiek | |
| Burgemêester | Willy Vanhooren |
| Coaliesje | sp.a |
| Zetels sp.a CD&V Vlaams Belang |
25 17 5 3 |
| Dêelgemêentn me postcode | |
| Postcode | Dêelgemêente |
| 8450 | Brèènienge |
| And're info | |
| Zonenummer | 059 |
| Poliesjezone | {{{polz}}} |
| Webadres | www.bredene.be |
Brèènienge (Nederlands: Bredene) is e Belgische gemèènte. 't Ligt tusschen Ostende, Klemskerke (e dêel van D'n Oane) en Oedeburg. 't Is 't ènigste pleksje in hèèl België woa dat er e naktstrange is da legaal is. D'r weunen à peu près 15.000 menschen, zoender toeristen. In Brèènienge is 't er e dyk tusschen de Twins en de vismyne (mo j'is wè goe weggestookn), en d'r zyn ook duunn.
In Brèènienge-Duunn is 't er een oud visscherskapelletje en de kerke van 't dorp è oude kerkemeubels van de joaren zestienoenderd. Der is ook e woatertorre.
De bekendste inweuner is Staf Versluys, die jammer genoeg e poar joar geleen veroengelukt is. O't slecht were is ku je noa de kunstgalerie van de schilder Anto Diez goan. Der is ook een soorte zale woa dat er vanalles te doen is: 't Staf Versluyscentrum.
Inoud |
[bewerkn] Polletiek
De burgemèèster is de socialist Willy Vanhooren. Je zit ie al van in de joaren tsjeventig in de polletiek. Willy ry gèren mè ze velo en j'et al e poar kèren kampioen van België gewist by de polletiekers. Je goat ook alle joare met e bendje de Mont Ventoux in Vrankryk goan beklemmn.
Van ol de stemmn (in 2006) en de sossen der 58,1 %; de kalloten 18,4 %; 't Vlaams Belang 12,6 %; de liberaaln 5,4 %; 't Kartel van de groenn mê Spirit 4,6; en Vital 0,7 %.
De socialisten en ook nog e Vlamsche Volksvertegenwoordiger in 't Vlams Parlement, die in Brèènienge weunt, Jacky Maes. Je zit ie ook al joaren in de polletiek. J'is ook (zesde) scheepn van financies en voorzitter van 't O.C.M.W. Juste gelik de burgemèèster et 'n ook e board. Vroeger zein ze teegn Jacky en Willy: "de twi boardn".
Den èèste scheepn is nu Jacques Deroo, die vroeger oltyd de menschen voe niet no 't stad voerde met oedjoarsaavnd en j'et ie ook e soorte van e televiesjepost op 't internet, TV-Brèènienge. Je ziet em overaal me ze kamera. J'is ie scheepn van oopnboare werkn en ook van oenderwys, kultuur, biblioteek, toeristezakes, oentwikkeliengssamenwerkienge en otonoom gemèèntebedryf (A.G.B.). By de nieuwe kiezinge aatn ie dudelik de mèèste voekeurstemmn.
De twidde scheepn is Steve Vandenberghe. Da's e joenge gast die in 't oenderwys stoat en j'is ie scheepn van ruumtelikke ordenienge, stedebouw, personil, ekonomie, bevolkienge en burgerlikke stand. Volges da't schynt zoetn ie de volgendn burgemèèster wordn.
De derde scheepn is Doris Vermoortel, die in de ziekeboend werkt. Ze was zy vodien voorzitter van 't O.C.M.W. Nu is ze scheepn van sociale zakes en uusvestienge.
De volgenden is Erwin Feys, de scheepn van milieu, verzekeriengn, kerkfabriekn, vryzinnige centra, reddiengsdienst, consesjes en bèèstezakes. Je was ie vroeger facteur en j'èt ook nog e kreimerie oopngoedn in de Dune.
De vuufde scheepn is Kristien Vanmullem. Z'is zy scheepn van joenge gastn, wykroadn, rekrejoasje en sportzakes.
De voorzitter van de gemèènteroad is Eddy Gryson. J'is ie bankdirekteur in Den Oane.
De secretoaris van de gemèènte Brèènienge is Yannick Wittevrongel, e joenge gast. Je was ie vroeger sociaal assistent van de gemèènte.
De secretoaris van 't O.C.M.W. is Jan Eerebout. Zyn voader et ook nog e tydetje burgemêester van Brèènienge gewist, da was Roger Eerebout van de kalloten.
Commisories van de poliesjes is Erik Van Parys.
[bewerkn] Toale
Met da Brèènienge juste nevest Ostende ligt komn de dialectn grotendèèls overèèn. De ènigste verschiln daje sommetekis ziet zyn bepoalde woordn die qua vertoalienge tzelste zyn, mo qua utsproak e klèèn bitje verschiln. Andere voorbeeldn omvatn et verschillig gebruuk van voornoamwoorden. Byvoorbeeld:
Ostends: zakdoek - Brèèniengs: zakkedoek.
Ostends: jis deure - Brèèniengs: em is deure.
[bewerkn] Bekende Brèèniengoars
- Staf Versluys: verkoozn tot Brèèniengoare van de eeuwe.
- Piv Huvluv: kluchtigoard
[bewerkn] Externe koppelienge
|
|
|
|---|---|
|
Anzegem | Ardôoie | Beirnem | Blanknberge | Brèènienge | Brugge | Damme | D'n Oane | De Panne | Deirlyk | Dentergem | Diksmude | Gistel | Euvelland | Ooglee | Oetulst | Ichtegem | Yper | Iengelmunstr | Yzegem | Jabbeke | Knokke-Heist | Kookloare | Koksyde | Kortemark | Kortryk | Kuurne | Langemark-Poelkapelle | Legem | Lendlee | Lichtervelde | Lo-Rênienge | Mêenn | Mêesn | Mullebeke | Middelkerke | Môoslee | Nieuwpôort | Oalveringem | Oarelbeke | Oavelgem | Oedeburg | Ôostkamp | Ôostrôzebeke | Ostende | Pittem | Poperienge | Roeseloare | Ruuslee | Spiere-Elkyng | Stoan | Tielt | Toeroet | Veurne | Vletern | Woaregem | Wervik | Wevelgem | Wielsbeke | Wiengne | Zillegem | Zunnebeke | Zuunkerke | Zwevegem |
|
| België | Provinsjes | |
