Brandklasse

Van Wikipedia
Vergelykienge van vierklassn
Europeesche Klasse Brandstoffe/Hittebronne
Klasse A Geweune brandboare stoffn
Klasse B Brandboare vloeistoffn
Klasse C Brandboare gaze
Klasse D Brandboare metoaln
Klasse E Elektrische apparateure
Klasse F Frietvet

Pompiers dêeln de sôortn vier in in verschillende brandklassn. Ieder klasse duudt up een ander sôorte brandstoffe die in een vier betrokkn is, en 't mêest geschikt sôorte brandblusscher vô 't uut te doen.

Symbooln per brandklasse

Klasse A[bewerkn | brontekst bewerken]

't Mêest olgemêen sôorte vier wor verôorzaakt deur de "geweune" brandboare stoffn gelik hout, linn'n, rubber en plastiek. De mêeste sôortn brandblusschers kunn'n een klasse A vier uutdoen, moar 't mêest olgemêen gebruukt is woater.

Klasse B[bewerkn | brontekst bewerken]

Od een vier deur een ountvlamboare vloeistoffe verôorzaakt wordt, kan woater nie mè gebruukt wordn, angezien da woater 't vier zou kunn'n helpn versprêen. De mêest' andere sôortn brandblusschers, beholve de nat chemischen, kunn'n gebruukt wordn. Schuum is 't mêest effectief, angezien dat het de brandboare vloeistoffe 't beste van de lucht ofschermt.

Klasse C[bewerkn | brontekst bewerken]

Een vier da deur een brandboar sôorte gaze verôorzaakt is, wordt 't beste deur poeier bestreen, omda die 't beste tusschenkomt in de scheikundige reacsje tusschen de gaze en de zeurstoffe in de lucht. Halongassn woarn ook effectief, moar deur under negatieve uutwerkienge up d' eirde zyn ozonlage zyn da sôorte blusschers nu verboodn.

Klasse D[bewerkn | brontekst bewerken]

Sommige metoaln gelik natrium, lithium, magnesium en titaan kunn'n vrê ountvlamboar zyn, voarol on ze as klêne dêeltjies (bvb. van 't machineern) voarenkommn. Specioale droge poeiers zyn 't beste vô zo'n sôortn vier uut te doen. De poeiers zyn mêestol gemakt van natriumchloride, grafiet, koper of natriumcarbonoat.

Klasse E[bewerkn | brontekst bewerken]

Vier dat ontstoan hèt deur een elektrische bronne kan ollêne moa veilig uutgedoan wordn deur een koolstofdioxideblusscher of êen da werkt mè droog poeier.

Klasse F[bewerkn | brontekst bewerken]

Laboratoriumsimuloasje van een frietpotvier

Friteurbrandn volln ounder de klasse F viern, en de beste sôorte blusscher is in da gevol nat chemisch of schuum.

Interne koppelienge[bewerkn | brontekst bewerken]