Broeltoorns
- Dit artikel es geschreevn in 't Kortryks, en da zou best ozô bluuvn.
De Broeltoorns zyn een gekend historisch bouwwerk va Kortryk en een bitje et visitekoartje van de stad. De twêe identieke toorns, an de twêe kantn van de Leie, bewoakn de brugge over de rivier. 't Zyn overbleufsels van de oude stadsvestiengn. De zeudelikke toorn, de Speyetoorn, wos gebouwd in de 1385 en wos een dêel van de versterkienge, rond het groafelik kastêel. De versterkiengn zyn deur Lodewyk XIV verwoest gewist in 1684. De nôordelikke toorn, de Inghelborchttoorn wos loater gebouwd (1415) en es gebouwd gewist om artilleriegeskut te beskermn en ols ipslag voo woapns. De brugge tussn de toorns es bist de Êeste Weireldoorloge verwoest gewist en achternoa were ipgebouwd.
In't middn van de brugge stoat het standbild van H. Nepomucenus, patrôon van de drenkeliengn.
Varia[bewerkn | brontekst bewerken]
Vlak by de broeltoorns ligt het Broelmuseum.
|
Ofbeeldiengn die ier by passn ku je vien in de categorie Broeltorens van Wikimedia Commons. |