Brouwery Sint-Bernardus

Van Wikipedia
Dit artikel es geschreevn in 't Poperiengs, en da zou best ozô bluuvn.

Sint-Bernardus is e brouwery uut Woatou.

Geschiedenisse[bewerkn | brontekst bewerken]

In de 19sn êeuw wêekn de poaters van 'n Catsberg uut na Woatou, omda ze probleemn aan mi 'n polletiek in Vrankryk. Ze kwaamn an geld mi koas te moakn. Achter 1930 kêerdn ze were na Vrankryk, omda ze doa intusschen miender vyandig tegen nunder stoegen. Evarist Deconinck pakte de koasmoakery over.

Kort achter 'n Twiddn Weireldôorlog beslissnde de trappistn va St. Sixtus va zelve gin bier ne mi te moakn. Ze vroegn an Deconinck om 't bier voe nunder te brouwn, wuk da 'n toet 1992 edoan et. Oendertusschen wos de produuscje van koas estopt, en woarn olle machienn verkocht an e melkery uut Poperienge. Sedert 1992 beslissnde de Trappistn dat olle Trappistebier binn de meurn van d'abdy moest ebrouwn zyn om de noame 'Trappist' te verdienn. Dat wos 't ende van de produucsje van de Sixtus biern, en toen is de brouwery overeschoakeld op een eign merk: St. Bernardus.

Productn[bewerkn | brontekst bewerken]

  • St. Bernardus Abt 12: e doenkerbruun biertje van oge gistienge, mi een alcoolghalte va 10.5%.
  • St. Bernardus Prior 8: e rôo/paars biertje van oge gistienge, mi een alcoolghalte va 8%.
  • St. Bernardus Pater 6 of kortweg 'poater' (6.7%).
  • St. Bernardus Tripel: e blêek amberkleurig bier van 8%.
  • Watou Tripel: e zocht, blêek biertje.
  • St. Bernardus Witbier: e witbier.
  • Grottenbier

Externe koppelienge[bewerkn | brontekst bewerken]