Gernoare

Van Wikipedia
(deureverweezn van Caridea)

Gernoars, geirnoars of gernoazn zyn klêne kreeftachtigen uut de infraorde Caridea. Ze kommn zowel in zout of in zoet woater vôorn, moa de mêeste sôortn leven in de zêe. Geirnoars leven ‘t liefst ip e zandbodem woa dan z’ hunder kunnen ingroavn vor hunder te beschermn.

Der zyn circa 2000 sôortn geirnoars, zowel in tropische, subtropische of koude woaters. Geirnoars eetn plantoardige restn, moar ook prôoibêestn lik worms en sleksjes.

De Nôordzêegeirnoar (wetenschappelike name Crangon crangon) is een gernoare die veel smakeliker is dan den mêer algemêenn rôze gernoare. Ze kommn mor in een vrêe beperkt doming vôorn, gecenterd over de Waddenzêe, en uutgebreid noa 't zuden toet an de Vlamsche kust, en noa 't westen toet an Norfolk. ‘t Waddengebied is een Europees beschermd marien gebied, en de visscherie van geirnoars is deur Europeesche reguloaties an bandn geleid.

Vroeger wierden de gernoars mê peirdn an 't strange gevist, moa tegenwôordig wordt dat ollemolle mê bôotn gedoan. Ge kut de gernoars nog olsan vesch an den bôot koopn, moa tegenwôordig wordt 't mêrendêel met een vliegtuug nor Azië gevloogn, woa dan ze gepeld wordn en ton vervrozen weregevloogn wordn vô de Belgische grôotwaarnhuuzn.

Gernoars kommn up vele menus vôorn, lik in tomate aux crevettes.

Wikimedia Commons