Chikoung

Van Wikipedia
Ga naar: Begunplekkn, zoeken

Ne chicong es een sorte groensel. Dikkens ein ze 't met den term chicong ollêne over 't bovenste wit stik van de plante. De wortel van de plante noemn ze krotte of prut en weird gebruukt vo kaffie of te liengn.

Maniere van kwêekn en sortn[bewerkn | brontekst bewerken]

Chicongs wordn ip 'n hêle specioale maniere gekwêekt.

Eerst wordt er chicoreie gezoaid (familie van rôodlof en andyvie) en de wortels wordn geôogst. Ton wordn de wortels in bakkn gezet, overdekt met eirde en nen doek zoda ze in 'n dounkern zittn.

Achter drie à vier weekn es 't er nieuw lôof geschootn: de chicong. Oa 't ie te vele de kloarte ziet, ton is 't 'n gèsgroene.

Dienen chicong wordt verkocht als groundchicong en is den dierstn. De goekopere versie, die veel minder bitter es, es op woater gekwêekt (hydrokultuur). Rôodlof eit rô kropkes, genoamd salade van Verona.

Chicongs wordn surtout gekwêekt in België, Olland en Nôord-Vrankryk. By oes zyn d'er hêel wa klêne chicongkwêkeryen.

Bereidiengn[bewerkn | brontekst bewerken]

  • in stikskes gekapt, gemingeld me mayonaise; ideoal me frietn
  • gestoofd in beuter me ne goen droai peper en notemuskoat
  • saloa me stikskes chicong, appels en rô bêetn, veldsaloa, 'n poar bladjes vèsche versneen munt en ne klak vinaigrette (me frambôzeazyn)
  • chicongs in rollekes espe me puree in den oven: 'n echte Vlamsche specialiteit

Vo de bereidinge in rollekes espe: chicongs kookn, loatn uutlekkn, in espe rollen, overzoppn met 'n bechamelsause met styf veel koas, nog koas en chapelure derip en gratineren in den oven totdat er e licht korstje ip is.

Noamn[bewerkn | brontekst bewerken]

In Vloandern klappn we van chicongs of witloof, de Woalen van chicon, d'Ollanders van witlof, en de Fransmans van endives of chicons en Frans-Vloandern/Nord-Pas de Calais. Da latste gift verwarring me de andyvie (saloa) en doarom zoudn ze't wel ne kê chicorées durvn noemn.

Wikimedia Commons