Chiro
De Chiro is e jeugdbewegienge die in Vloandern ougeveer 1000 platselikke ofdêliengn et, woamei da 't de grotste jeugdbewegienge is (ol beweirn de scouts dat ouk wel). In de Woaln bestoat er e gelykoardige organisoasche, de Patro. Die noame toogt nog dudelikker van woa dat de Chiro ôorsprounkelik komt, uut de patronoatn.
Missie en uutleg[bewerkn | brontekst bewerken]
Chiro wult mêer doen dan ieder twêe weekn de zundagachternoune sport en spel anbiedn. 't Droait byn de Chiro round 3 boasisweirdn: geirn zien, innerlikeid en rechtveirdigeid.
Structuur[bewerkn | brontekst bewerken]
- Verbound: de provinsche
- Gewest: verênigienge van sommigte Chiro's binn en verbound
- Platselikke ofdêlienge
Leeftyd[bewerkn | brontekst bewerken]
De mêeste Chiro's werkn vanof 6 of 8 joar en mêestol in verschillnde leeftydscategorieën:
- Ribbels (6-8) kapoentjes( jongens)
- Speelclub (8-10,van speelklub (nie in olle ofdêliengn, ouk oltemets andere noame)
- Rakwi's (10-12, van rakkers (jounges) en kwiks (misjes))
- Tito's (12-14, van toppers (jounges) en tippers (misjes))
- Keti's (14-16, van kerels (jounges) en tiptiens (misjes))
- Aspi's (16-18, Aspi's (jounges en misjes))
- Leidieng (18+, bereidn de activiteitn vôorn)
Uniform[bewerkn | brontekst bewerken]
Sedert 1995 bestoat er e standoard uniform
- Beige kortn brouk (of roksje by de misjes)
- Rôon T-shirt
- Blauw hemde
West-Vloandern[bewerkn | brontekst bewerken]
In West-Vloandern bestoat er Chiro in de mêeste gemêentn, ollêne in de gemêentn Koksyde, Mêesn, D'n Oane, Lô-Renieng, Spiere-Elkyng en Zuunkerke is er gin Chiro.