Clovis I

Van Wikipedia
Ga naar: Begunplekkn, zoeken
Clovis I
465511
Clovis I
Keunienk van de Salische Frankn
Periode 481 - 509
Vôorganger Childerik I
Ipvolger -
Keunienk van de Frankn
Periode 509 - 511
Vôorganger -
Ipvolger Reims: Theuderik I
Parys: Childebert I
Orléans: Chlodomer
Soissons: Chlotarius I
Voader Childerik I
Moeder Basina van Thüringn
De veroverienge van Gallië deur de Frankn ounder Clovis I
Gallië achter den dôod van Clovis I

Clovis I of Chlodovech I (dynastie van de Meroviengers) (Doornik, 465 - Parys, 511) was keunienk van de Salische Frankn van 481 tout 509 en van 509 tout 511 ôok van de Ripuarische Frankn.

Zyn leevn[bewerkn | brontekst bewerken]

In 481 volgde Clovis I zyn voader ip ols keunienk van de Salische Frankn in Doornik. Je was ton zestien joar oud. De Salische Frankn woarn êen van de Frankische stammn die ’t gebied, Toxandria genoemd, bezettegen. De streke lag tusschn de Nôordzee, de Schelde en Koameryk en liep van Reims tout an Amiens en Boulogne.

Clovis wilde de Salische Frankn en de Ripuarische Frankn (de streke round Keuln) verênign tout êen ryk. Je vertrok van Doornik met de bedoelienge van Soissons, besteurd deur Syagrius, te verovern. Syagrius was de latstn Romeinschn gouverneur van Gallië en je regeerdeg over ’t gebied tusschn de Somme en de Loire.

De veldtochtn van Clovis[bewerkn | brontekst bewerken]

  • Slag by Soissons

In 486 verovert Clovis de stad Soissons. Syagrius vlucht noa de Visigootn moa je wordt uutgeleverd en vermôord.

’t Gebied van Clovis lopt nu tout an de Loire en je krygt macht over d’andere Frankn.

  • Slag by Tolbiac, by Keuln

Je versloat de Alemann

  • Slag by Dijon

In 500 versloat ‘n de Bourgondiërs.

  • Slag by Vouillé

In 507 versloat ’n de Visigotischn keunienk Alarik II.

Vô zyn dôod he Clovis ol de Frankische stammn kunn verênign tout êen ryk en je wordt anzien ols de stichter van Vrankryk.

Zyn doop[bewerkn | brontekst bewerken]

Den doop van Clovis (schilderye uut ca 1500)

In 493 trouwde Clovis in Soissons mè Clothilde, dochter van Chilperik II, keunienk van Bourgondië. Zy kost hem overtuugn vor hem te bekêern tout ’t christendom, wa da nie gebruukelik was by de Germoansche keuniengn lik de Visigootn en de Vandoaln, die ’t Arisch geloof han.

Ip Kestdag 496 liet Clovis hem doopn in de Onze-Lieve-Vrouwekathedroale van Reims deur bisschop Remigius van Reims. Zyn twêe zusters, Abboflede en Lantechilde en 3000 van zyn krygers lietn hunder ook doopn.

Dôod en ipvolgienge[bewerkn | brontekst bewerken]

Clovis stierf in 511 en j’is begroavn in de Saint-Denisbasilieke in Parys. Zyn voader is begroavn in Doornik.

Zyn ryk wierd volgns 't Frankisch recht verdêeld ounder zyn vier zeuns: Theuderik: Reims (groen), Chlodomer: Orléans (rose), Childebert: Parys (geel), Chlotarius I: Soissons (oranje).

Wikimedia Commons