Congress

Van Wikipedia

Congress wos e West-Vlamschn hardcoreband die tussen 1993 en 2005, tope met Liar de belangrykstn verteegnwôordiger wos van de H8000 (de hardcorescene van West-Vloandern). Ze zyn de uutvienders van de edgemetal of edgecore, e genger die tusschn de hardcore en de thrash metal zit.

’n Ênigstn die ossan in ’n groep ebleevn is, is ’n gitarist Josh (Joost Noyelle) uut Langemark, die gitarist en zanger wos van Man’s Ruin, en nu gitarist is bie King Hiss.

Geschiedenisse[bewerkn | brontekst bewerken]

Congress beguste in 1993 en ze vieln rechtet up deur dan ze e miengelienge speeldn tusschn old skool hardcore en thrash metal.

Nunder succes beguste toune an ze Euridium (mini) uutbrochtn in 1994. De noame edgemetal wos ebôorn en ’t wos de geborte van ’t geluud van de H8000 hardcorescene (die nu nog ossan ferme leeft). Goodlife Recordings treuzelde nie en lei ze vaste voun e ploatncountract. In 1995 brochtn ze ounder Goodlife nundern êestn CD uut, Blackened Persistence, nog ossan en echtn klassieker in de metalcore. Toune woarn ze nog straight, etwot woa dan ze ’t joar derup mei uutschêedn omdan der te vele jounge gastjes woarn die dat oek dein voun mei te zyn.

In 98 kwam Angry with the Sun uut en doarup trachttn ze van nog mêer gengers te miengeln. De fans woarn der oek wild van en ze muchtn up Dynamo, Graspop en Dour speeln da joar. Da wos en indeliks grôot verschil met de zoaltjes in Yper en omstreekn woa dan ze d’êeste joarn espeeld ann, mo woavôorn dan ze nunder nôois te goed evoeld en.

Doarachter naamn ze Stake through the Heart up, woamei dan ze nog tourdn, mo doarachter viel ’n groep uut makoar.

’t Deurde toet in 2004 vôorn dat er were etwot uutkwam en dadde wos Resurrection. Ze muchtn tope met Integrity tourn in Japan en juuste toune a ’t ollemoale were bere goed liep, gienk ’n nieuwn zanger Tim deure, e wulde were drummn in te plekke van ziengn. Pierre (’n êestn zanger) kwam ’t er were by, mo dat en deurde nie lange. Up 11 november 2005 speeldn ze nunder latste uptreedn in Yper (woa da ’t ol beguste) voun 800 hardcore- en metalfanoatn.

Zin in 2012 nog ki een reunieshow gedoane ip Ieperfest. D'ode generatie en djoenge gastn zin da massoal ip afgekomn en de tente ip Ieperfest ston in vuur en vlamme deur de H8000 legends.

Discografie[bewerkn | brontekst bewerken]

  • Demo (1993)
  • Euridium (1994)
  • Blackened Persistance (1995)
  • Blackened Persistance reissue (1997)
  • The Other Cheek (1996)
  • Split with Deformity (1997)
  • Angry with the Sun (1998)
  • Split with Mindsnare (1999)
  • Stake through the Heart (2000)
  • Split with Liar (2000)
  • Resurrection (2004)
  • The Legacy (2006)

Groepsleedn[bewerkn | brontekst bewerken]

  • Pierre - zang ('94 - '00 / '05 - '06)
  • Josh Fury – gitaar
  • F2 - gitaar ('00-'06)
  • Vez – bass ('00-'06)
  • Ilja - drums
  • Michael - gitaar ('95 - '99)
  • Roy - zang (demo '93)
  • Tom - zang ('00)
  • Tim - zang (Resurrection)
  • UJ - bass ('93 - '99)