Noorderdepartement

Noorderdepartement Nord (59)
Liggienge van de Nord in Vrankryk
Regio	Nord-Pas-de-Calais
Hoofdstad (Préfecture)	Rysel
Sous-préfectures	Avesnes-sur-Helpe Cambrai (Koameryk) Douai (Dowoai) Duunkerke Valenciennes
Ippervlak	5.743 km²
Inweuners Bevolkiengsdichtheid	2.606.462 454 inw./km²
Arrondissementn	6
Kantongs	79
Gemêentes	652
{{{foto}}} {{{byschrift}}}

Et Noorderdepartement (Frans: Département du Nord of kortweg le Nord) es een departement in Vrankryk. De vlagge en 't woapn van Le Nord verwyzn dudelik noa Vloandern.

Geschiedenisse

't Departement is ontstoan binst de Fransche Revolutie, de 4e moarte 1790, uut de provinsje Vloandern (Flandres). Die provinsje van 't Frans keunienkryk was gevormd deur verschillige veroverde gebiedn. 't Nôordelik en centroal gedêelte kwam van 't Groafschap Vloandern, 't ôostelik dêel van 't groafschap Henegouwn en 't zudelik dêel vormde 't kerkvorstndom Koameryk (Cambrai).

Bestuurlikke organisoatie

't Es 't mêest nôordelik departement van Vrankryk en 't ligt neffenst België, ter hôogte van West-Vloandern en Henegouwn. 't Es de dikst bevolkte regio van Vrankryk, der weunn oungeveer 2.600.000 minsn, en 't vormt t'hôpe me Nauw van Kales de Fransche regio Nord-Pas-de-Calais. D'hôofdstad van 't departement es Rysel.

Et weirdt vôder ounderverdêeld in zes arroundissementn en 79 kantons:

• Arroundissement Avesnes-sur-Helpe
• Arroundissement Dowoai (Frans: Douai)
• Arroundissement Duunkerke (Frans: Dunkerque)
• Arroundissement Koameryk (Frans: Cambrai)
• Arroundissement Rysel (Frans: Lille)
• Arroundissement Valencyn (Frans: Valenciennes)

Vlamsche benoaderienge

Vlamsche historici deeln 't Noorderdepartement dikkers azo in:

• Frans-Vloandern, da bestoat uut
  • de Franschn Westoek: de regio round Duunkerke (Frans: Dunkerque)
  • Rysels-Vloandern of Zuud-Vloandern: de regio round Rysel (Frans: Lille)
• Frans-Henegouwn of Zuud-Henegouwn: de streke round Valencyn (Frans: Valenciennes)
• 't Zudelik deel van et kerkvorstendom Koameryk

Et Nauw van Kales en 't Noorderdepartment t'hope noemn ze otements ook nog wel de Fransche Nederlandn.

Toale

In et arroundissement Duunkerke ligt er ne hêle regio tussen de Leie en de Nôordzêe woar dat er Vlams geklapt weird: Frans-Vloandern. Vroeger makte 't dêel uut van 't Groafschap Vloandern, moar sins dat et g'annexeerd es deur Vrankryk goat de kennisse van de Vlamsche toale achteruut ten vôordêle van 't Frans.

In Duunkerke zelve bestoat et Dunkerquois, et lokoal dialect da straf an 't Vlams doe peizen.

In d'andre arroundissementen, soms "la Flandre romane" genomd, klappen ze Picardisch of "le picard", da dikkers ôok ch'ti genomd es. Doarom noemen ze de gasten van de Nord dikwils Ch'timi (Uutsproake: sjchtiemie).