David Galle

Van Wikipedia
David Galle up Comedy Marathon Kortrijk in 2008

David Galle (Mêende, 2 december 1980) es ne West-Vloamse komiek die in Wervik upgegroeid es. Je weunt nu in Brugge.

An zyn veertien joar est ie begunn met amateurtheater in Wervik en toune at ie student wos in Kortryk en Tourhout vormde ie 't komisch duo Winnock & Galle met Laurent Winnock.

Einde 2005 zat ie in de halve finales van de Hollandse Culture Comedy Award. In 2006 schreef ie afleveringen mee an het tv-programma De Rechtvaardige Rechters up Canvas.

In 2007 werkte ie tope met ter bescherming van de jeugd voun een sketch van "Poelmo, slaaf van het zuiden" te coveren up de Crazy Comedy Cover Contest van het Comedy Zone Festival in Gent. Z'èn doamee den eersten prys gewonn. Op 26/05/2007 moakt ie zyn prime-time debuut up tv in het TV-programma "De Bovenste Plank" up één. J'es aangesloten bij 123 Comedy Club.

In 2008 coverde ie Dikke Gilbert de La Tourette up het Comedy Zone Festival, woarmee dat'n lovende kritieken en nen tweede prys in de wacht slepte.

David Galle wint in januoari 2009 den eerste prys up tv met de Canvas Comedy Casino Cup: vanof december 2008 wos David Galle olle weke gedurende 8 weken up TV te zien. Van de 350 kandidoat-comediens is ie door de jury als den bestn beoordeeld.

Vanof april 2009 es 'n te zien in de reguliere formats van Comedy Casino up Canvas, duukt'n nu en ton ne keer up up de regionoale TV-zender WTV en kun je hem hoorn up Radio 2.

In 2010 stoat Galle up de planken met zijne eerste avondvullende show "D", en is ie ook up den teevee te zien up Comedy Casino (de nieuwe reekse, en up Comedy for Life.

In 2011 is Galle te zien in de voorjaersprogrammatie van één : dertien weken an e stek up zundagavond in de Kazakkendraaiers toope me Bart Depauw. Daneverst is ie ook een stuk of 5 keren te zien als mediawatcher in Vrienden Van De Veire, ook up één.

Noast eigen inbreng qua comedy fungeert David Galle ook als presentator en MC up comedyvoorstellingen of up muziekfestivals: Rock op het Plein in Wervik, Folkfestival Dranouter of de Paulusfeesten in Oostende.

Zyn styl kan omschreven worden als absurd, vul met hilarische anekdotes van 't doageliks leven. David combineert en ontwoapenende podium-nonchalance met clevere, en soms ne keer styven drogen humor en verrassende inzichten. Zynen act wordt met West-Vlamsche inslag gebrocht, wat vor de nodige hilariteit zorgt by mienschen die nie van de streke zyn.

Gunter Lamoot, ook nen bekenden komiek, vatte zyn winst in de Comedy Casino Cup samen: De West-Vlamsche lulligheid wint het van de Antwerpsche arrogansche!

Externe link[bewerkn | brontekst bewerken]