Den Blienker

Van Wikipedia

Den Blienker is een kanol da oengevèr 20 km tôpe met den Stienker loopt van Strobrugge by Moaldegem tout an de Nôordzee in Zêebrugge.

Den Blienker an den vroegeren sifong in Damme
Den Blienker in Sint-Jan-in-Eremo

Oficièl noemn ze den Blienker et Leopoldkanaal en 't is 46 km lank. 't Wier gegraavn tusschn 1843 en 1854. Zyn officièle name komt van Leopold I, uzen êesten keunink. Zyn lapname komt nateurlik omdat 't de propersten was van de twêe. Den Blienker lopt van Boekhoute wo dat je deur 't Isabellakanol met den Braakman in Olland verboenden is, toe an Heist.

Je dient ie vo d'ofwoatrienge van de polders. Vô d'oenafankelikeid van Belgie (1830) gieng d'ofwoaterienge ol 't Lapscheursche Gat (êén van de vele kreekn in de streke die nog de grenze is tusschn Belgie en Olland) en van doa ol Sluus en Cadzand nô de zêe. Moa met d'oenafankelikeid mosten d'Ollanders da nie mèr en weten en ze sloten zyder de sluzen. De polders wierden vêel te nat en d'r oentstoend zelfs 'n sôorte van slapziekte ofte malaria.

De bedoelienge was tonne van 'n kanol te graven van Heist toe in Zelzate vo ôok were 'n verbiendinge t'èn van 't kanol Gent-Terneuzen no de zêe, want d'Ollanders addn dadde ôok ofgeslootn vo de Belgen. Mo uutendelik is da plan nie deuregegoan en stopte de voart entwoa in Boekhoute. 't Eêt ton nog gedeurd toe in 1920 vo da d'Ollanders 't Isabellakanol ên willn graavn.

Ip 't groendgebied van Oostkerke kruuschn den Blienker en den Stienker den Damschen voart. Dendienen was ip da moment nog bevoarboar tussen Brugge en Sluus en doarom mosten ze ôok do ne sifong installeern. Den bouw doavan zoudt ollêne ol 4 joar gedeurd èn.

In den Twidde Weireldoorloge wierd de sifong upgebloazn en es den Damsche Voart an de twêe kanten ofgesloten.

Gerelateerde artikels[bewerkn | brontekst bewerken]