Discuusje:Barco

Pagina-inhoud wordt niet ondersteund in andere talen.
Van Wikipedia

Welkom Pieter... Tof dat je meedoet. Maar opgelet: persoonlijke informatie moet je op je persoonlijke gebruikerspagina schrijven. In de artikels (zoals over Barco) komt er enkel info over Barco. Kijk maar eens naar andere pagina's. En als je iets niet snapt... Stel dan maar je vragen in "De café": we staan klaar om je te helpen. Tot binnenkort. --user:Astro


Pieter Bruynooghe, en getuge vertelt ...[brontekst bewerken]

Voe te begunnen goa kik êest ne kêe zeggen wiene da'k benne. Minne noame is Pieter Bruynooghe (dus Brunôoge of Brunooge in 't Westvlams). Ik ben geboor'n den 29sten juni van 't joar 1950 en ben de joengste zeune van Prosper Bruynooghe (°1907-+1992).

't Begun[brontekst bewerken]

Mie voader es oal ze leven ne vrêe goe kameroad gewest van Jozef Versavel (Jef) en ôok van Camille Descamps. Ewel, die twêe latste minsken èn Barco (Belgian-American Radio Corporation) ipgericht in de jaren 30 van de vôrige êeuwe.

't Begoste allemoale in 't klêene, moa da è gegroeid en gegroeid. Tot an 'n oorloge van '39-'45 bouwdigen ze radio's en pickups.

Binst den oorloge mochte da natuurlik nie mêe, moa we tan ze dei'n binst den oorloge ek kik jammer genoeg nôoit geweet'n.

Achter den twêeden oorlog[brontekst bewerken]

Moa achter den oorloge èn ze were vôorsgedoan mè radio's en pikups.

Tenden de joaren 40 èn ze begunn mè televisies te moaken. In 't begun woar'n da eigelik radioappareils woa dat ter en T.V.-skerm in zat in de plekke van en postenbord. 't Skint da'j ton oal koste noa Rissel kiken (da noem nu TF1). Moa 't woaren nog nie veel liefebbers, want da woaren redelik diere appareils e ge kostige toch moa juste Rissel pakk'n en doa was't natuurlik oal in 't Frans.

Moa vôor da'k vôortvertelle moe'k zeggn da Camille Descamps nog joenk gestorv'n es, in 1947 peize kik. Ie wa nog moa juuste 40 joar of ezô entwadde.

Jef Versoavel eid allêene moet'n vôortdoene, moa j'a wel vrêe goe personêel.

In 't joar van den Expo 1958 in Brussl kochtige mie voader zinn'n êeste Barco televisie. Ge koste eigelik moa drie postn pakk'n: Brussl Vlams, Brussl Frans en Rissel 1.

Ge moe ôok weet'n dan die toestellen nog me lampen werktigen en da teurde oalson bikans veuf menut'n tegen da je beeld én klank oa.

Kè nu gen tid mè voe vôort te vertell'n moa ge meugt dulder nog wel an en vervolg verwacht'n!


Joaren 'tzeventig en de êesten petrolkrise[brontekst bewerken]

Iest nog zeggen daddik heboren en hetogen Kortrikzoan benne. Min beroepscarrière begoste in 't bedrif van mie voader (Bruynooghe's Koffie) in september van tsjeventig, dus nu oalbie 37 joar geleen. Mie voader et de zoake overgeloaten an mien broere Jan in 't joar iènentsjeventig en ton nog wel ip 1 april en da we giênnen aprilvis!

A joar loater oengeveer emme beginnen met kaffieotomoaten te verkôop'n, te vereuren of in exploitoatie te zett'n. Ewel, Barco wa uzzen iêste klièn voe otomoaten in exploitoatie en nu noh oalsan.

Ja, de petrolkrise..., Moa twa wok de vulle ontwikklinge van de kleurenteevee. Iederièn wilde ton zuk nen appareil en wok de stereo-hifi-installoaties woaren ton in vullen ipgank. Barco begoste echt in grôote oeveeleed'n te produceer'n, want voe zoverre of dak'mie erinnere è Barco nog tegoare geweirkt mè Grundig, ge weet wel, da wa ton ièn van de grôotste Europeeske radio en TV-fabrikkant'n, oallesins de zwoare koenkurrèn van Philips. De Japaneez'n begosten ton ôk ip te koem'n, lik Sony, Akai en noh e poar andre. Barco et toa toh wel probleem'n mee gèt. Ip 'n bepoald momèn zoat'n ze me ne veel te grôote stock an radios en televisies dan ze nie mè kwietgerochten. Z'an wok te veel personnêel en tèt toa behunn'n slig goan. Jef Versavel wa noh oalsan de grôot'n boas en zien zeuns Bernard en Jo weirktegen wok in de fabrikke en oan e grôote responsabiliteit, anders hezeid: ne skôone post. Der woaren ton drie grôote fabrikken: ièn in Kortrik, an de Theodoor Sevensloan, ièn in Kuurne, in d'industriezone en ièn in Poperinge.

Moa nu moe 'k iest en betje eet'n en 'k goa vanachternoene misschiens vôortvertell'n. Toet loaters!

Joaren 'tachtentig: biekans om zêepe[brontekst bewerken]

Noh oalsan dezelfde "getuhe", bereikboar via e-mailadres pieterbruynooghe@skynet.be, of langs tellefoengnummero 056/221734. Of wil je wok nog min adres? Groeningeloan nummero 19, busse 62 in 8500 Kortrik. 'K kan u wok mie skoemoate geev'n of zeggen oe grôot da 'k benne mao doa zie je nie vele mee. Allee, we goan d'r were ne kiè ne lap ip geev'n!

Lik of da 'k oal 'n betje hezeid è, Barco zat tenden de joaren tsjeventig in de penoarie. Veel te vele teevees en hifi-installoaties in stock en te veel personièl. Skuld'n in overvloe en 't sag ter slig ut!

Moa ton moe ter ievers en vergoaringe hewest èn mè oender andere de toenmoalige Minister van Streekeconomie Mark Eyskens, die zoe hezeid èn "Barco moet gered worden!". In oalle gevoal: Barco a noh wel toekoemste, mièr bepôald in de beeldvorminge. Da was 't behun van de frabikoatie van beeldbandappareils en projecteer'n ip grôote skermen. En da dè noh oalsan de vôornoamste activiteit van Barco.

't Was ton da Jef Versavel en zinne zeune Jo de zoake verloat'n èn. Alliène Bernard è noh hebleven moa j'è nu wok oal ip pensioen. Barco ed'iphenoom'n hewest in en sorte van een consortium mè o.a. ACEC van Charleroi.

Joaren 'tnegentig: industrialisoatie en ip de buzze[brontekst bewerken]

Barco è nu - lik dan ze zeggen - "ne weireldspeler" ip hebied van beeldvorminge. Projectieapparature van oalle moaten en sôrten. Ze stoan wok oal en ende ip de buzze henoteerd, ip "Euronext" lik of dat ta nu noem. In vroeger joaren wa dadde "Beurs van Brussel".

Oe dat 't nu juste zit mè Barco, weet ik nie me zo goe. 't E nu wok oal 8 joar heleen da "Bruynooghe's Koffie" overhenomen hewest è van Miko van Turnoet (Turnhout) en 't es oal zeven joar da mien broere Jan en zien vrouwe en ik de firma verloat'n èn.

Med'andere woord'n: mien artikkel è verre van volledig en 'k kan mie vôorstell'n dan der ier en doa fouten in zitt'n woavôorn dak mie wille excuseren. Ja, ne miens kan nôois nie oalles weet'n, niewoar? Ik zitte nog wel me iènigste vroagen:

  1. E Barco noh oalsan fabrikken in Kortrik, Kuurne en Poperinge?
  2. Wien est ter nu de grôot'n boas?
  3. . Oeveel personièl én ze nu noh?

Ja, ge keunt ta misskien ipzoek'n ip uldere website, want dad'èn ze zeker, moa 'k zoe vroag'n an iederièn die mien artikel heleez'n è en zeker an de minsken die noh in Barco geweirkt èn en die der nu noh weirken oem eventuele verbeet'ringen an te bring'n.

Voilà, 'k peize da 'k voorlopig utverteld benne over ièn van de peirels van de Kortrikske streke mè zukke rikke heskiedenisse. Oem 't eindigen winskik ulder noh veel leeshenot!