Doornik

Stad Doornik (Tournai)
Tournai
liggienge binn 't arrondissement Doornik in de provincie Enegouwn
Woapen	Vlagge
Geografie
Gewest	Wallonië
Provincie	Henegouwn
Arroundissement	Doornik
Liggienge	50°36' NB 03°23' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	213,75 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	67.844 (01/01/2006) 48,72% 51,28% 920 inw./km²
Leeftydsipbouw 0–17 joar 18–64 joar 65 joar en ouder	(01/01/2006) 22,80% 59,38% 17,81%
Buutnlanders	6,89% (01/07/2005)
Weirklôoseidsgroad	18,17% (01/01/2006)
Polletiek
Burgemêester	Christian Massy (PS)
Coaliesje	PS - cdH
Zetels PS MR cdH Ecolo	39 18 10 7 4
Dêelgemêentn me postcode
Postcode	Dêelgemêente
7500 7500 7500 7501 7502 7503 7504 7506 7520 7520 7521 7522 7522 7522 7522 7530 7531 7532 7533 7534 7534 7536 7538 7540 7540 7540 7540 7542 7543 7548	Doornik Ere Saint-Maur Orcq Esplechin Froyennes Froidmont Willemeau Ramegnies-Chin Templeuve Chercq Blandain Hertain Lamain Marquain Gaurain-Ramecroix Havinnes Beclers Thimougies Barry Maulde Vaulx Vezon Kain Melles Quartes Rumillies Mont-Saint-Aubert Mourcourt Warchin
And're info
Zonenummer	069
Poliesjezone	{{{polz}}}
Webadres	www.tournai.be

Doornik (Frans: Tournai) of in Zuud-West-Vloandern Dôornik is ’n stad in ’t westn van de Belgische provincie Enegouwn mè mêer of 67500 inweuners. De stad, die geleegn is an de Schelde, is de twêede oudste stad van België (achter Tongern). Der zyn spoorn van beweunienge tout twêeduusd joar geleen te zien.

Geschiedenisse

Doornik bestound ol in den tyd van de Gallo-Romeinn van vô Christus ounder de noame Turnacum. Round ’t joar 320 groeide de stad uut tout ’n importent industrieel centrum. Deurdat ’t an ’n belangryk weegnknooppunt lag en ook ’n brugge had over de Schelde is ’t de nieuwe hoofdplatse gewordn van de civitas Turnacensium, die uut de civitas Menapiorum was ountstoan. Eerder was Kassel d’hoofdstad van de Menapiërs.

Round 430 hèn de Salische Frankn ’t gebied veroverd en Doornik uutgeroepn tout hoofdstad van ’t Frankisch Ryk.

In 481 wierd Clovis I, achter den dôod van zyn voader Childerik I, tout keunienk van de Salische Frankn van Doornik uutgeroepn. In 486 verplatste Clovis ’t machtscentrum noa Parys, mo de rolle van Doornik was nog nie uutgespeeld. Clovis makte der by zyn vertrek ’n bisschopszetel van, die heel Vloandern bestreek.

In 880 plunderdn de Noormann de Scheldestreke en Doornik wierd under uutvolsboasis.

Onze-Lieve-Vrouwekathedroale

Ounder Karel den Kletsn, den êestn keunienk van West-Francië, ountstound ’t groafschap Vloandern dat in lêen blêef by de Franschn keunienk.

In 993-994 verdêelde Boudewyn IV, Groaf van Vloandern, zyn groafschap in drie burggroafschappn: Gent (mè ’t land van Waas), Doornik (mè Kortryk en Sint-Omaars) en Brugge.

In 1141 wierdn de werkn gestart van de Romoansche Onze-Lieve-Vrouwekathedroale, die in 1171 voltooid was en ingewyd wierd deur den aartsbisschop Hendrik van Vrankryk.

De stad trok ryke koopliedn an en under streevn nor ounofhankelikheid leidde der toe dan ze in 1187 rechtstreeks ounder de Fransche krone vieln. Tout 1513 blêevn ze Frans. Doornik kende ’n bloeiende loaknandel en was ’n belangryke leverancier van wandtapytn.

In 1513 veroverde keunienk Hendrik VIII van Iengeland Doornik. ‘t Is d'ênigste stad in België die ooit Iengels was. Je bouwde ’n citadel woavan dat ollêne de torre is overgebleevn. Vo dien ofbroak zorgde Lodewyk XIV minder of ’n decennium loater.

Keizer Karel V voegde de stad in 1521 by zyn Nederlandsche erflandn.

In 1653 hèn ze by toevol de tombe van Childerik I, zeune van Merovech en voader van Clovis gevoundn in de eglise Saint-Brice.

In 1668, ounder Lodewyk XIV, kwamt de stad were ounder Frans bewiend en in 1713 ounder de Oostenrykers.

In 1815 makte ’t dêel uut van ’t Verenigd Keuninkryk der Nederlandn en sedert 1830 ligt ’t in België.

Geboorn in Doornik

• Clovis I (465-511), keunienk van 't Frankisch Ryk.
• Robert Campin (1390 ?-1444), (Meester van Flémalle), kunstschilder.
• Rogier van der Weyden (1399-1464), kunstschilder.
• Georges Rodenbach (1855-1898), kozyn van Albrecht Rodenbach, schryver en dichter (je schrêef o.a. Bruges-la-morte).

Dêelgemêentn

Doornik is de gemêente met de grotste ippervlakte in België. Nevenst Doornik zelve zyn der nog 28 dêelgemêentn: Barry, Beclers, Blandain, Chercq, Ere, Esplechin, Froidmont, Froyennes, Gaurain-Ramecroix, Havinnes, Hertain, Kain, Lamain, Marquain, Maulde, Melles, Mont-Saint-Aubert, Mourcourt, Orcq, Quartes, Ramegnies-Chin, Rumillies, Saint-Maur, Templeuve, Thimougies, Vaulx-lez-Tournai, Vezon, Warchin en Willemeau.

Beziensweirdigheedn

• De Onze-Lieve-Vrouwekathedroale in Romoanschn styl mè vuuf torrn.(erkend als weirelderfgoed deur den UNESCO)
• De imposante loakenhalle. De bouwers lietn under inspireern deur de Renaissancegevel van 't stadhuus van Gent.
• 't Oudste belfort van België mè zyn 257 trappn.(erkend als weirelderfgoed deur den UNESCO)
• De 13e eeuwsn pont des trous over de Schelde, één van de meest indrukwekknde overbluufsels van de militaire architecteure in ons land. De brugge is in 1948 verhoogd vo 't de scheepvoart ip de Schelde gemakkelikker te moakn.
• De Hendrik VIII torre.
• Twêe romoanse huuzn mè puntgevels uut de periode 1170-1200, die nu deel uutmoakn van de protestantse kerke.
• 't Marionettncentrum van de Fransche gemeenschap in 'n huus in Neoklassieke styl.
• 't Stadhuus.

Musea

• 't Museum vô Schone Kunstn is gebouwd deur de grôotn Belgischn jugendstilarchitect Victor Horta. Der hangn twêe schône schilderyen van Eduard Manet, de Franschn impressionist. Der is ook 'n koamer mè fotoreproducties, ip dezelfste grotte van de schilderyen, van 't verzoamelde werk van Rogier van der Weyden, één van de Vlamsche Primitievn mo wel 'n rasechtn Doorniknoare.
• In 't Museum vo tapytweefkunst en textiel ku je zien hoe importent da Doornik was vo de tapytweefkunste in de 15ste êeuwe.
• 't Folkloremuseum.
• 't Museum vo geschiedenisse en sierkunste.
• 't Museum vo woapns en militaire geschiedenisse.
• 't Oudheidkundig museum.