Emanuel Filibert van Savoye

Van Wikipedia
Ga naar: Begunplekkn, zoeken
Emanuel Filibert
15281580
Emanuel Filibert van Savoye
Ertog van Savoye
Periode 15531580
Vôorganger Karel III
Ipvolger Karel Emanuel I
Landvoogd van de Nederlandn
Periode 15551559
Vôorganger Maria van Ongareye
Ipvolger Margaretha van Parma
Voader Karel III van Savoye
Moeder Beatrix van Portugal



Emanuel Filibert (Chambéry, 8 juli 1528 - Turyn, 30 augustus 1580), bygenoamd d’n yskop, was van 1553 tout 1580 ertog van Savoye en van 1555 tout 1559 landvoogd van de Nederlandn.


Je was de zeune van Karel III van Savoye en Beatrix van Portugal. Z’n moeder was e schôonzuster van keizer Karel V. Je diendeg in ‘t leger van Karel V binst d’n oorlog teegn Frans I van Frankryk en in juli 1553 veroverdegt ie Hesdin.

‘n Moand loater stierf z’n voader en wierd 'n ertog, mo ’t grotste deel van Savoye was ol van 1536 bezet deur de Fransche.

Van 1555 tout 1559 wast ’n landvoogd van de Nederlandn ounder Filips II. Ols landvoogd leidet ie persoonlik de Spoanschn invol van Noord-Frankryk en j’oalde ’n schone overwinninge by de Slag van Saint-Quentin in augustus 1557.

Achter ‘t Verdrag van Cateau-Cambrésis tusschn Frankryk en Spanje in 1559 kreegt ‘n ‘t ertogdom were.

Je trouwde mè d’ertoginne van Berry, Margaretha van Frankryk, de zuster van keunink Hendrik II van Frankryk en z’aan één zeune, Karel Emanuel I van Savoye.

Je kreeg loater nog gebiedn were lik Turyn en je kocht er ook nog twêe. Je makte van Turyn d’oofdstad en van ’t Italioans d’officiële toale in plekke van ’t Latyn.