Emile Claus

Van Wikipedia
Emile Claus in Londen (1917)

Emile Claus (Sint-Eloois-Vyve, 27 september 1849 - Astene, 14 juni 1924) wos nen West-Vlamschn kunstschilder.

Zyn jounk leevn[bewerkn | brontekst bewerken]

Emile Claus es geboorn en gekwikt in de Woaregemse deelgemeente Sint-Eloois-Vyve lanks de Leie.

Je studeerd' hem an d'Academie van Antwerpn. J'es toun na doa vruusd en schilderde doa surtout portrettn en realistische stikkn.

In 1883 gounk 'n hem goan weunn in Astene, in villa "Zonneschyn", lanks d'oevers van de Leie. In 1886 trouwde 'n hem mèi Charlotte Dufaux.

Van realisme noa luminisme[bewerkn | brontekst bewerken]

Binstn voyoagn na Parys round 1890 hèit 'n hem Claude Monet leern kenn. Claus wos vree ounder 'n indruk van zyn werkn en via Monet gerocht'n hem ounder 'n invloed van 't impressionisme. Deur Monet veranderde zynen styl van realisme noa luminisme, dat es e typisch Belgische soorte van neo-impressionisme woavan da Claus 'n voortrekker wos. Zyn schilderyen 'n Beetnoogst uut 1890 en D'ysveugels uut 1891 zyn belangryke scharnierwerkn in die evoluusje.

In 1904 hèit 'n hem de kunstenoarsgroep Vie et Lumière upgericht.

De schilderesse Jenny Montigny hèit e grote rolle gespeeld in 't leevn van Claus. Ze wos zy ne leerlienk van hem en j'es d'r toun en affaire mei begunn da hèit bluuvn deurn tot an zynen dood in 1924.

Emile Claus ligt begroavn in zynen eigen hof in Vyve.

Wikimedia Commons