Ernst Happel

Van Wikipedia
Ga naar: Begunplekkn, zoeken

Ernst Franz Hermann Happel (Weenn, 29 november 1925 - Innsbruck, 14 november 1992) was een Ôostenryksen voetbolspeelder en -coach, die as êen van d' êeste succesvulle managers bekend stoat, mè landstitels en bekeroverwinniengn in Holland, België, Duutsland en Ôostenryk, en succes in verschillende Europeesche bekers.

Speeldercarrière[bewerkn | brontekst bewerken]

Club[bewerkn | brontekst bewerken]

Happel begost zyn professionêle carrière by Rapid Wien, woardat je in den êeste ploeg spildige vanof dat je 17 joar was. Je spildige in defensie t' hope mè Max Merkel, en in de 14 joar dat je vo Rapid spildige (van 1943 toet 1954 en van 1956 toet 1959) wounn ze 6 kêern de landtitel. Van 1954 toet an 1956 spildige tjie vo Racing Club de Paris.

Internationoale carrière[bewerkn | brontekst bewerken]

Je maktige zyn debuut vo den nationoale ploeg in september 1947 teegn Houngareye. Je namt dêel an de weireldbeker van 1954 in Zwitserland (woardan ze derden endigdn) en ook in de weireldbeker van 1958 in Zweedn.

In totoal spilde tjie 51 kêern vo zyn land en scôorde 5 goals.

Managerscarrière[bewerkn | brontekst bewerken]

Achter zyn carrière as een speelder wierd Happel êen van d' êeste succesvulle coachn van olle tydn. Je woun de landstitle in vier verschillende landn, woun den European Champions' Cup (nu de UEFA Champions League) mè Feyenoord en Hamburg, en verscheen in twê verschillende Europeesche finoales mè Club Brugge. Je was ook bondscoach vor Holland in 't weireldkampioenschap van 1978 in Argentinië, woadan ze teegn 't gastland verlôorn.

Periode Ploeg
1962 - 1968 ADO Den Haag
1968 - 1973 Feyenoord
1973 - 1975 Sevilla FC
1975 - 1978 Club Brugge KV
1978 Olland
1979 K.R.C. Harelbeke
1979 - 1981 Standard Liège
1981 - 1987 Hamburger SV
1987 - 1991 FC Tirol
1991 - 1992 Ôostenryk

Van een Vlams standpunt is Ernst Happel de coach die Club Brugge van de "byna"-ploeg van de vroege zeventiger joarn oumvormdige in een ploeg die in zyn drie joar by Brugge drie landstitels wounn, êen Belgische beker, en de finoale van twê Europeesche bekers hoaldign (woardan ze twê kêern teegn Liverpool verloorn). Oundanks 't succes laag Happel dikwils in stokkn mè 't besteur van de club die volgens hem under neuze te vele in zaakn stoakn dan under nie angiengn.

Dôod[bewerkn | brontekst bewerken]

Ernst Happel stierf van kanker in 1992 up de leeftyd van 66 joar. Achter zyn dôod wierd het grotste stadium in Ôostenryk, het Praterstadiun in Weenn, ommegdopt toet 't Ernst Happel Stadium.

Externe koppelienge[bewerkn | brontekst bewerken]