Etienne Vermeersch

Van Wikipedia
Etienne Vermeersch

Etienne Vermeersch (Sinte-Machiels, 2 meie 1934 - Gent, 18 januoari 2019) was e West-Vlamsche filosoof.

Vermeersch was van huus ut katholiek en was vuuf joar by d'orde van de Jezewïeten. Ip z'n 25e smeet ie z'n kappe over d'hage en je wierd een overtuugden atheïst en skepticus. Volgens hem doen de godsdiensten lik Katholicisme, Judaïsme en Islam mêer kwoad dan goed.

Tienne Vermeersch is in 1965 ofgestudeird an d'Universiteit van Gent in de richtienge Klassieke filologie en Wijsbegeerte. In 1967 is 't ie professer geworden in da zelste Gent. Je gaaft do lesse over olle soorten van filosofie. By 't groot publiek is 't ie surtoe bekend vo z'n rolle in de discussies roengst wetenschappelikke en ethische problem'n in de biologie, biotechnologie en 't milieu. Je was ôok betrokk'n by de wetten over den abortus en d'euthanasie (2002). In 1996 was 't ie vôorzitter van de Commissie Vermeersch, die 't were nor uus zenden van ofgeweez'n asielzoekers beter moste regeln.

Je stound ôok mee an de wiege van 'SKEPP', dat is de 'Studiekring vo Kritische Evaluoatie van Pseudo-wetenschap en Paranormoale diengen', een verênigienge die de bedoelienge eet van pseudo-wetenschap, lik bevoorbeeld homeopathie, tegen te goan. Je stoat ook bekend voa zyn beschryvienge van het Lourdes-effect.

Tienne Vermeersch is getrouwd mè Josiane. Ze weunen in Wetteren.

In oogustus 2007 étjie de Pries Morice Sabbe gekregen van de verenigienge 'Bruggeliengen buuten Brugge'. D'overhandigienge é platse hèd in den théoater van Brugge, de vuufentwientigsten oogustus 2007.

Carrière[bewerkn | brontekst bewerken]

Boek'n[bewerkn | brontekst bewerken]

  • 1967: Epistemologische Inleiding tot een Wetenschap van de Mens
  • 1970: Hedendaagse Wijsbegeerte
  • 1988: De Ogen van de Panda
  • 1989: Legalisering van Abortus. Bedenkingen bij de discussies in de Senaatscommissie
  • Bio-ethiek. Een Inleiding
  • 1997: Van Antigone tot Dolly. Veertig jaar kritisch denken

Externe koppelienge[bewerkn | brontekst bewerken]

Wikimedia Commons