FC De Kampioenen

Van Wikipedia
Ga naar: Begunplekkn, zoeken

F.C. De Kampioenen is e Vlamsche, komische tv-serie. Et goat over e caféploeg die mo zeldn wint. Er werdn 273 afleveringn (21 reeksn) gemakt en daardeure is êt de langstlopende serie die den VRT ooit êt gemakt. 't Es de populairste serie van de latste joarn, en zelfs de eindelôze eroaliengn oaln nog oltyd vee kykers.

Personoages[bewerkn | brontekst bewerken]

  • Balthazar Boma (gespeeld deur Marijn Devalck): ne moakt worstn die nie te vreetn zyn en 'n is ne vrouwenzot. Ne êt en oogje up Pascale mo das nie wederzijds.
  • Pascale De Backer (gespeeld deur Danni Heylen): z'is cafébazinne en geschid va Oscar me wien da ze en dochter et: Bieke. De latste tyd et zen en oogje laatn valln up Maurice. In seizoen 17 weun ze tope.
  • Maurice de Praetere (gespeeld deur Tuur De Weert): n'is van adel mo toch bluuft 'n simpel. Sinds 2005 et 'n e relatie me Pascale. In reeks 17 is 'n by Pascale gan weun mo ne kon ze moeder nie allene laatn dus et 'n ze meegepakt.
  • Bieke Crucke (gespeeld deur An Swartenbroekx): z'is de dochter van Pascale en in reeks 15 is ze getrouwd me Marc. In 't begun van de serie was ze en rebelse puber, mo ze kalmeerde toen da ze Marc leerde kenn. Z'et nu e kiendje ekreegn da Paulien noemt.
  • Marc Vertongen (gespeeld deur Herman Verbruggen): n'is de klungelige vint va Bieke. Ne studeerde vo dokteur mo achter dat 'n enigte keern gebuusd was istn dermee gestopt. Ne presenteert nu by Radio Hallo en is spits va FC De Kampioenen. 't Is e grappige joengn met en onnozel brilleke die styf gehecht is an zyn Bolleke, zyn oto.
  • Pol De Tremmerie (gespeeld deur Ben Rottiers): vroeger wast y spits van de ploeg mo achter e knieblessure isn trainer gewordn. n'Is de vriend va Doortje en leroare biologie. Net en utzounderlijke lange neuze en nis lik zyn nounkel Dimitrie e bitje gierig.
  • Doortje Van Hoeck (gespeeld deur Ann Tuts): zy is de vriendinne va Pol en komt nogal trutterig over met eur oederwets brilleke. Z'is secretaresse va Boma. Z'is geschid va Pico en z'an tope e kind: Billie.
  • Xavier Waterslaeghers (gespeeld deur Johny Voners): n'is sergant in't leger en getrouwd me Carmen. n'Is keeper van de ploeg. Mo omdatn nogal veel pintjes drinkt baktn der nie vele van. Carmen klaagt ook assan datn zo slecht is in bed.
  • Carmen Waterslaeghers (gespeeld deur Loes Vandenheuvel): zy is de vrouwe va Xavier en maakt van e mug en olifant. Eur hobby is roddeln en met die kusjob by Boma komt ze af en toe e ki e twa te weetn. Ze êt al e ki en gazettewinkel en en frituut gat mo zet nie lange volgehoudn want werkn is nie eer sterkste kant. z'is ook erg gehecht an Nero, eur houndje.
  • Fernand Costermans (gespeeld deur Jaak Van Assche)

Externe koppelienge[bewerkn | brontekst bewerken]