FIBA

Van Wikipedia

De FIBA of Fédération Internationale de Basketball is de internationale overkoepelende organisoatie van basketfederoaties. De FIBA is verantwoordelik vo de internationale basketregels, ‘t spelmaterioal en faciliteitn, transfers van spelers en de internationale arbiters. D’r zyn mêer of 200 nationale sportfederoaties die lid zyn van de FIBA. Sedert 1989 is de organisoatie verdêeld over vuuf zonecommissies: Afrika, Amerika, Azië, Europa en Oceanië.

Geschiedenisse[bewerkn | brontekst bewerken]

De FIBA is in 1932 ipgericht in Genève (Zwitserland), twêe joar achter da de basketsport officieel erkend is deur ‘t Internationaal Olympisch Comité. De ôorsprounkelike noame was Fédération Internationale de Basketball Amateur. De êerste acht leedn woarn Argentinië, Tsjechoslovakeye, Grieknland, Italië, Letland, Portugal, Roemenië en Zwitserland. Binst de Olympische Speeln van 1936 in Berlyn is James Naismith (1861-1939), den uutvinder van basket, benoemd tout êrevôorzitter van de FIBA.

Sedert 1950 organiseert de FIBA om de vier joar weireldkampioenschappn vo vintn en sedert 1953 ook vo vrouwn. In 1989 zyn professionele spelers toegeloatn ip de Olympische Speeln, lik spelers van den NBA. Van da moment is ’t woord Amateur uut de noame van de organisoatie geschrapt, moa de ofkortinge is gebleevn.

De FIBA is sedert de iprichtinge in Genève gevestigd (van 1956 tout 2002 in München).

Externe koppelinge[bewerkn | brontekst bewerken]