Filips III van Spanje
Uit Wikipedia
| 1578 - 1621 | ||||||
|---|---|---|---|---|---|---|
 |
||||||
 Sicilië, Napels, Sardinië |
||||||
|
||||||
 |
||||||
|
||||||
 |
||||||
|
||||||
|
Filips III van Spanje (Madrid, 14 april 1578 - Madrid, 31 moarte 1621) was keunink van Spanje, Napels, Sicilië en (als Filips II) van Portugal. Z’n bynoame was el piadazo (den Vroomn).
[bewerkn] Zyn leevn
Filips III is geboorn in Madrid. Z’n moeder Anna, dochter van Maximiliaan II, was de vierde vrouwe van Filips II.
In 1598 stierf Filips II, mo Filips III a nie 't karakter van z'n voader. Je was vele mêer g'interesseerd in dansn, dichtn en joagn of in politiek en je gaf enorm vele geld uut an fêestn. In de praktyk liet Filips ‘t regeern over an z’n favoriet Francisco Gómez de Sandoval y Rojaz, ertog van Lerma.
Zyn zuster Aartsertoginne Isabella aad, tegoare met eur vint Albrecht van Oostnryk, de Lêge Landn gekreegn. In die periode dreevn d’ipstandeliengn van de Noordelikke Nederlandn commerce met de Spanjoardn vo den oorlog te betoaln, mo direct achter da Filips III an ’t bewind gekommn was, wierd da stille geleid. Je liet ol under bôotn in de Spoansche en Portugeesche oavens ansloan en zette de bemannienge gevangn. Mo da brocht even vele schoa mee vo de Spoansche economie of vo d’Ollandsche.
In 1606 probeerdegn Filips en den ertog van Lerma vrede te sluutn met d’ipstandige Ollanders. En ôok d’aartsertoogn Albrecht en Isabella woarn van da gedacht. Ze goavn ipdracht an Spinola vo t’ounderandeln. Êen van de Spoansche voorwoardn was dat de Verenigde Oostindische Compagnie zou stille geleid wordn, mo Johan Van Oldenbarnevelt, den ipvolger van Willem van Oranje, brocht 't by 't Twoalfjoarig Bestand in 1609 zoverre dat de Noordelikke Nederlandn under commerce met 't Verre Oostn toch nie mostn stoppn.
In 1618 smêet Filips III den ertog van Lerma buutn omdat er veel te vele corruptie was an ’t of van Madrid. Je wierd ipgevolgd deur z’n zeune Cristóbal de Sandoval, den ertog van Uceda.
[bewerkn] Vrouwe en jounges
Keunink Filips III trouwde mè Margaretha van Oostnryk (1584-1611), dochter van Karel II van Oostnryk, zuster van de loatern keizer Ferdinand II van et Illig Rôoms Ryk. Z’aan vuuf jounges:
- Anna van Oostnryk (1601-1666) (1601-1666), vrouwe van keunink Lodewyk XIII van Frankryk, moeder van keunink Lodewyk XIV van Frankryk
- Filips IV (1605-1665), volgde z’n voader ip als keunink van Spanje.
- Maria Anna van Spanje (1606-1646), vrouwe van keizer Ferdinand III van 't Illig Rôoms Ryk.
- Karel (1607-1632), nie getrouwd
- Kardinoal Ferdinand van Oostnryk (1609-1641), aartsbisschop van Toledo, volgde aartsertoginne Isabella in 1633 ip als Landvoogd van de Nederlandn. j’aad ’n ounwettige dochter (nunne).
Den êenendertigstn moarte 1621 is Filips III gestorvn in Madrid.
