Flor Barbry's Volkstoneel voor Frans-Vlaanderen

Van Wikipedia
Uut 't stik Menschen lyk wyder (1958-1959). Me Flor Barbry in de rolle va paster.
Dit artikel es geschreevn in 't Westhoeks, en da zou best ozô bluuvn.

Flor Barbry's Volkstoneel voor Frans-Vlaanderen (Frans: Théâtre populaire pour la Flandre française de Flor Barbry) is e tonêelgezelschap van amateurs da optreedt in West-Vloandern e surtout in Frans-Vloandern.

Nunder doel is om 't West-Vlams levendig t'oudn, ol weerskantn van de Schreve. Deur de verfranschieng van Frans-Vloandern wos 't er doar ol sedert 'n achttiensn êeuw gèn Vlams theoater ne mè. Ze speeln in 't Westouters dialect en lettn styf goed op dan der nie te vele 'vrèmde' wôordn in kommn.[1]

Geschiedenisse[bewerkn | brontekst bewerken]

Affiche van 't ollerêerste stik

't Gezelschap is eigentlik egroeid uut de verênigieng De Verbroedering uut Westouter. 't Gezelschap noemde loater va tyd Volkstoneel voor Frans-Vlaanderen en azo bestoat et ol sedert 1954. 't Êeste stik da ze opvoernde, wos Woa dat de Sterre bleef stille stoan va Felix Timmermans, in december 1954. In 1986, achter de dôod va Flor Barbry, en ze 't na nem vernoemd. Barbry wos ni ollêne êen van d'oprichters, moar oek schryver, vertoaler, acteur e regisseur. Vanof da moment e Greta Barbry, ze dochter, de leidieng overenoomn, toet da ze stierf in 1999. Vanof ton, toet nu nog ossan, zyn der vier menschen verantwôordelik. Roland Delannoy, e schôonzeune va Flor Barbry, is de vôorzitter.

Erkennieng[bewerkn | brontekst bewerken]

't Volkstoneel woun in 1980 de 11ste André Demedtsprys.

Externe koppelienge[bewerkn | brontekst bewerken]

Bronn[bewerkn | brontekst bewerken]

  1. Interview mè Roland Delannoy, URL bekeekn op 08/01/2007