Fort Napoleon

Van Wikipedia
Ga naar: Begunplekkn, zoeken
Dit artikel es geschreevn in 't Ostends, en da zou best ozô bluuvn.

Luchtbeeld van het fort

Het Fort Napoleon is een historisch fort in Ostende. 't Is in 1810 in ipdracht van Napoleon gebouwd gewist, om de dreigienge vanuut Iengeland te weerstoan.

Vorm[bewerkn | brontekst bewerken]

't Fort is gebouwd volgens e vuufhoekig groundplan, me de punt no de zèè.

Geschiedenisse[bewerkn | brontekst bewerken]

In 1810 zyn ze begost met de bouw van het Fort Impérial, en vier joar loater was 't kloar. Mo ton was 't al nie mi nodig, omda de Fransche under oundertussn teruggetrokkn aan. Ip 26 juni wierd beslist in de Convensje van Londn da 't fort dèèl uutmakte van de zogenoamde Wellington-linie.

Vanof 1815 woarn de Ollanders der gekazerneerd in wa da oundertussn het Fort William was gekomn. Mo et belang van 't fort naamt of, omda de Iengelsche nie mi de vyand woarn.

In 1830 kaamt 't fort in andn van 't Belgisch leger. In 1865 wierd beslist da Ostende gin vestiengsstad mi was, en wierd et fort nie mi gebruukt voe militaire doeleindn, ollène voe 't gevangn oudn van Fransche soldoatn in de Frans-Prussischen Oorlog in 1870.

In de Eèste en de Twidde Weireldorloge gebruuktn de Duutsers 't fort, da oundertussn Fort Napoleon noemt, in de verdedigienge teegn de Iengelsche.

Achter de orloogn verloor het fort mêer en mêer interesse van de militairn, en gerakt in verval. In 1976 wierd et tot beschermd monument benoemd, mo pas in 1995 begunt Erfgoed Vlaanderen et te restaureern. Vanof 2000 is 't geopend vo 't grote publiek.

Wikimedia Commons Mêer ofbeeldiengn die ier by passn ku je vien ip Fort Napoleon ip Wikimedia Commons.