François Sterchele

Foto ter êre van François Sterchele ip Club Brugge (10 meie 2008)

François Sterchele (Luuk, 14 moarte 1982 - Vrasene, 8 mei 2008) wos e Belgschn foetboller. Zyn latsn club wos Club Brugge. E wos e spits, die in de Jupiler League topschutter kwam me 21 gols in 't sezoen 2006-2007. E wos ouk 4 keirs eselecteerd vo de Rôo Duvels.

Sterchele speelde mi numero 23, e verwyzing na Michael Jordan, e basketter.

François Sterchele wos 26 ton dat 'n veroungelukte mi zyn otto.

Uutbundige karakteire

Sterchele wos Italioans van ôorsproung, en e viel geirn op, op en round 't veld. Achter iddere golle dei Sterchele e geste da 'n overepakt adde van foetboller Luca Toni, zyn grôte vôorbeeld: e droaide mi zyn hand round zyn ôorn.

Ploegn

• 2003-2004: R.F.C. Kelmis (23 gols in 29 matchn)
• 2004-2005: Oud-Heverlee Leuven (32 gols in 31 matchn)
• 2005-2006: R. Charleroi S.C. (9 gols in 31 matchn)
• 2006-2007: K.F.C. Germinal Beerschot (21 gols in 32 matchn)
• 2007-2008: Club Brugge (11 gols in 31 matchn)