Francky Dury

Francky Dury (Roeseloare, 11 oktober 1957) es nen West-Vlamschn voetboltrainer.

Carrière

Francky Dury es begonn'n als voetboller ip een êerder bescheid'n niveau by Hulste Sport (1971 - 1981). Zin successn zyn gekoomn als trainer, vôorol by Zultse VV en loater by de fusieploeg SV Zulte Waregem. Noa êerdere trainerservoariengn by ploegn gelik Oarelbeke (B-ploeg), Bevern-Leie, SKS Ronse en RC Doornik es't ie begonn'n me Zultse VV, toen nog in êeste provinciale, te train'n in 1990. Ie es ton 6 kêers kampioen gekoomn me die ploeg: in 1ste provinciale (1991), 4de klasse (1994 en 1999), 3de klasse (2002) en 2de klasse (2005), woardeure da SV Zulte Waregem in êeste klasse mocht speeln. Veeln peisd'n da Zulte-Waregem ne veugel voo de katte wos, moar iederêen eit em een bulte verschootn toen da de ploeg ip de 7de plekke eindigde en de Beker va Belgje won. Ip 31 meie 2010 roakte bekend da Dury trainer wier van KAA Gent.

Pryzn

• Francky Dury es in 2006 verkoozn tot Belgisch trainer van het joar.
• Begun 2007 es't ie verkoozn tot West-Vloamieng van het joar.