Frank Brangwyn

Van Wikipedia
Ga naar: Begunplekkn, zoeken
Frank Brangwyn

Frank William Brangwyn (Brugge, 13 meie 1867 - Ditchling, 11 juni 1956) was een Iengels-Welshe kunstschilder, etser en illustrator.

Je was de zeune van een Iengelschn architect en zyn moeder was Welsh. J' is geboorn in Brugge, woa da zyn voader William Curtis Brangwyn in 1865 een ipdracht krêeg vo d' Hèilig-Bloedkapelle te decoreern. In 1875 zyn ze were verhuusd noar Iengeland.

Frank Brangwyn krêeg zyn artistieke ipleidienge, êest in den atelier van zyn voader en loater van de beroemde kunstnoare en architect William Morris.

Werk[bewerkn | brontekst bewerken]

In 't begun was de zêe één van zyn favoriete ounderwerpn. Je schilderde ook levendige, realistische taferelen over 't industrieel leven in de dokkn en de fabriekn en 't hard labeur van 't werkvolk. Ip 't ende van de 19e êeuwe woarn Oriëntoalsche thema's styf populair by vele schilders. Brangwyn voyageerde noar Istambul en de Zwarte Zêe. Je makte vele schilderyen en dessings in Spanje, Marokko, Egypte, Turkeye en Zuud-Afrika.

In 1895 is Brangwyn gestimuleerd gewist vo nieuwe diengn te moakn lik meurschilderiengn, brandglasroamn en tapytountwerpn, deur Siegfried Bing, de kunstmarchang in Parys, die begost is met de Art-Nouveaubewegienge.

Binst den Êeste Weireldoorloge was Brangwyn een officieeln oorlogskunstenoare.

J' het ook ountwerpn gemakt vo gebouwn, interieurs, meubels, metoalwerk, keramiek, bijous en j' illustreerde ook boekn.

In e loatere periode wast 'n beïnvloed deur 't Impressionisme, Fauvisme, Art Nouveau, Wiener Secession (1898) en zelfs 't Expressionisme.

Brugge[bewerkn | brontekst bewerken]

In Brugge, ist er werk van de Brits-Brugsche kunstenoare te zien ip de boovnetage van 't museum Arentshuus.

Brangwyn het assan e speciale band g'hed mè zyn geboorteplekke, die hem êreburger gemakt het in 1936, en je legateerde e grôot dêel van zyn werk an Brugge.

Externe koppeliengn[bewerkn | brontekst bewerken]

Wikimedia Commons