Frank Vandenbroucke (coureur)

Van Wikipedia
Frank Vandenbroucke
afbeeldingstekst = VDB op 't Dernycriterium in Antwerpn (08/08/2007)
Persoonlikke informoatie
Noame Frank Vandenbroucke
BynoameVDB, Bimbo (d'oro), Franky boy
Gebortedoatum 6 november 1974
Geborteplekke Moeskroen, Belgie
Sterfdoatum12 oktober 2009
SterfplekkeSaly , Senegal
Lengte179 cm
Gewichte68 kg
Specialisoatierouleur en klemmer; nôordelikke klassiekers, klindere roundes
Ploegen
Ploegen van toun
2008-2009

2006-2007
2006
2004-2005
2004
2003
2002
2001
1999-2000
1998
1995-1997

1994
Down Under-Cinelli

Mitsubishi-Jartazi
Acqua & Sapone
Unibet.com
MrBookmaker.com-SportsTech
Fassa Bortolo
Quick·Step-Davitamon
Domo-Farm Frites
Lampre-Daikin
Cofidis
Mapei-Bricobi
Mapei-GB

Lotto-Caloi
Portoal Sport

Frank Vandenbroucke (Moeschroen, 6 november 1974 - Saly, Senegal, 12 oktober 2009) wos e Belgschen coureur. E wos e grôte belofte die ol in 1999 op zyn oogtepunt wos. Doarachter kwam 'n surtout op e kwoalikke maniere in 't nieuws. En is jounk dôodegoan.

Leevn & carrière[bewerkn | brontekst bewerken]

Jeugd[bewerkn | brontekst bewerken]

Frank Vandenbroucke groeide op in Ploegsteirt. Zyn voader, Jean-Jacques, wos e tydege coureur. Zyn moeder Chantal doet e café oopn, Hostellerie de la Place, in 't centrum van Ploegsteirt. Frank Vandenbroucke dei e masse sportn geirn: azo speelnde voetbol, en e dei an atletik. In de cross komt 'n zelfs kampioen van Belgie by de pupilln. Uutendelik kiest 'n vo de villo. In 1989 krygt Vandenbroucke e licensje by de nieuweliengn. Van nu of start zyn koerscarrière.

Succesjoarn[bewerkn | brontekst bewerken]

In 1991 komt Vandenbroucke kampioen van Belgie by de nieuweliengn. 't Joar doarop wos 'n kampioen by de juniors. E wos zo goed dat 'n ier en doar e joar van zyn reekse oversloeg.

In 1993 kwam Vandenbroucke prof by Lotto, woa da zyn nounkel Jean-Luc sportdirecteur wos. E têeknde e contract van 2 joar, moar en et dat ni uutedoan. D'r kwam e proces van, moar uutendelik koste Vandenbroucke toch vroeger overstappn na Mapei-GB. E ploeg woa da 'n de medische en professionele begeleiding krêeg da 'n zo geirn wilde. Olleman zei da VDB de grotste belofte van Belgie wos. In 1995 wint VDB Parys-Brussel, zyn êestn grôotn koers by de profs.

In 1999 goat 'n over na Cofidis. E wint in 't begun van 't sezoen ounder ander 'n Omloop Het Volk. En is twiddn in de Rounde van Vloandern, zevensn in Parys-Roubaix, en e wint Luuk-Bastenoakn-Luuk woa dat 'n attakeert op de plekke dat 'n anekondigd adde.

Tusschenin komt 'n in de probleemn. Cofidis zet nem een endetje buutn omda 'n in verband is ebrocht mi dopieng. VDB is vry esprookn, moar e krygt e krak. Op 't ende van 't sezoen doet 'n, zounder vele ambisje, mei an de Rounde van Spanje. In de latste weekn demonstreert 'n zyn grôte klasse: e wint 2 rittn en e pakt 't puntnklassement. En is de grôotn favoriet vo 't Weireldkampioenschap in Verona, moar ol vroeg in de wedstryd volt 'n. E breikt zyn 2 polsen, e rydt uut en endigt toch nog op de 7de plekke.

Probleemn me 't Gerecht & comebacks[bewerkn | brontekst bewerken]

Toet 1999, zyn absoluut topjoar, at 'n 't êne succes achter 't ander, mo in dazeste joar wost 'n verdacht van dopienggebruuk. 't Feit dat 'n e goe reloasje adde mi Bernard Sainz, e dokteur die op een 'ongeweune' maniere sporters begeleidt, dei zyn zoake ouk gin goed. Sedertien ging 't bergof mi VDB; e kwam zelfs depressief.

Begun 2002 voengn ze by een uuszoekieng doping by Vandenbroucke. Doarom wos 'n eschorst. 't Parket van Dendermonde wilde nem ouk strafrechtelik vervolgn. VDB's advocoatn argumenteernde dat etwien gin twi keirs kut estraft zyn vo dezelfste feitn. Vandenbroucke krygt toch e werkstraffe van 200 eurn. E goat in beroep, moa ton kryg 't e boete van 250.000€. Vandenbroucke goat in cassoasje en 't arrest is verbrookn. Begun 2007 is Vandenbroucke vryesprookn deur 't Of van Beroep in Brussel, moa 't parket-generoal têeknt op zyn tour beroep an teegn de vrysproake.

Vandenbroucke krêeg nu en ton nog e sportivve eroplevieng. In 2003 ist 'n twiddn in de Rounde van Vloandern, moa doarachter kwamn d'r ni vele topprestoasjes ne mi. Ouk in zyn privé-leevn foutert 't ni. Op 26 juli 2004 krygt 'n ruuzje me zyn vrouwe, Sarah Pinacci, en e probeert nem van kant te moakn.

Op 7 juni 2007 rochte bekend da Vandenbroucke, de dag dervôorn, were e zelfmôordpogieng oundernoomn adde. Op 24 juni 2007 krygt 'n were een inzienkieng, en zyn ouders loatn nem opneemn in 't Eilig Erte in Yper.[1]

Doarachter begoste VDB an zyn zoveelsn comeback. In 2008 rêed 'n nog ossan, moar e stapte mêer of, of dat 'n koersn uutrêed. In 2008 rêed 'n tout 17 april 2008 vo Mitsubishi-Jartazi, moar op dien dag makte de ploeg bekend da ze (vôorlopig) uut makoar giengn. Begun april 2008 rocht ouk bekend da VDB in 't begun van 't joar coacaïne zoud ekocht en.[2] Doavôorn goat 'n verzekers gin sportieve straffe krygn omdat 'n gin drugs gebruukt adde vo koersn.

2009: e vroegn dôod[bewerkn | brontekst bewerken]

In 't najoar van 2008 makt VDB bekend dat 'n by Cinelli-OPD goa ryen - de ploeg woavôorn da Nico Mattan 'n nieuwn sportdirecteur goa zyn. Mattan en Vandenbroucke zyn ossan styve goe moatn ewist. Achter dat uutkomt da Cinelli gin licensje krygt vo de mêeste vôorjoarskoersen, zorgt Mattan d'r vôorn da VDB ku koersen by Fuga-Down Under, e Belgschn-Oostroalischn ploeg. De ploeg noemt nu: Down Under-Cinelli. Met diejn ploeg rêed VDB vôorjoarsklassiekers in Vloandern lik de Driedoagsche van West-Vloanderen, Nokere Koerse en Dweirs deur Vloandern.

In de zomer van 2009 protesteert Frank Vandenbroucke teegn zyn ploeg: in e poar klinder koersn doetn e anoniemn tenue an, zounder sponsors. D'ofsproake was dat 'n gounk betoald zyn lik e prof van 't moment da Cinelli geld gink en, moar achter e poar moandn beweirt VDB nog gin frang ezien t'n.[3] E probeerde by een andern ploeg te goan koersen, moa de UCI wos doa teegn.[4]

Op 12 oktober 2009 rochte bekend da Frank Vandenbroucke overleedn wos in een otel in Senegal. Dôodsôorzoake zou loungembolie ewist zyn.[5] Frank Vandenbroucke legt begroavn in Ploegsteirt, ni verre van zyn ouderlik uus.

Grotste overwinniengn (profs)[bewerkn | brontekst bewerken]

1994 (2 overwinniengn)

1995 (7 overwinniengn)

  • Parys-Brussel
  • 1ste etappe van de Rounde va Luxemburg

1996 (15 overwinniengn)

  • 5de etappe van de Rounde van de Middellansche Zêe
  • proloog, 3e, 6e en 8e etappe van de Rounde van Ôostenryk
  • Trofeo Laigueglia
  • Grôte Prys van Plouay
  • Scheldeprys
  • proloog, 2de en 5de etappe van de Rounde van het Woalsche Gewest

1997 (8 overwinniengn)

  • 3de etappe van de Rounde van Luxemburg
  • Trofeo Matteotti
  • 2de, 4de en 8ste etappe van de Rounde van Ôostnryk

1998 (13 overwinniengn)

  • Gent-Wevelgem
  • 1ste en 5de etappe en eindklassement Parys-Nice
  • 3de en 6de etappe van de Rounde van het Woalsche Gewest

1999 (8 overwinniengn)

2000

  • ploegntydrit in de Ster van Bessèges

2004

  • Zwevegem

2005

  • Zwevegem

2009

  • 2e etappe Boucle de l'Artois

Belangrykste êreplekkn[bewerkn | brontekst bewerken]

  • Rounde van Vloandern: 2de plekke (1999, 2003)
  • Kuurne-Brussel-Kuurne: 2de plekke (1998)
  • Belgisch Kampioenschap: 2de plekke (1999)
  • Belgisch Kampioenschap tydryen: 3de plekke (2005)
  • Waalse Pyl: 2de plekke (1998)
  • E3-prys: 3de plekke (1999)
  • Kampioenschap van Zürich: 2de plekke (1998)
  • GP Fourmies: 2de plekke (1995, 1996)
  • GP Eddy Merckx: 2de plekke (1998)
  • Weireldbeker: 3de plekke (1999)

Boekn[bewerkn | brontekst bewerken]

Ik ben god niet (2008), ottobiografie, Borgerhoff & Lamberigts, ISBN 978-9077941300

Bronn[bewerkn | brontekst bewerken]

  1. Opname in 't Eilig Erte Gazet van Antwerpen, 29/06/2007
  2. VDB in opsproake Het Laatste Nieuws, 02/04/2008
  3. VDB rydt ne mi vo Cinelli-Down Under Het Nieuwsblad, 08/08/2009
  4. VDB meugt ni na Saey-Deschacht Het Nieuwsblad, 12/08/2009
  5. Frank Vandenbroucke overleedn De Standaard, 12/10/2009

Externe koppeliengn[bewerkn | brontekst bewerken]