Frans Debrabandere

Van Wikipedia
Frans Debrabandere

Frans Debrabandere (Kuurne, 18 meie 1933), is e West-Vlamsche filoloog en schryver. J'is gekend vo zyn boekn over dialectn en noamn. Je weunt in Kortrik.

Studies[bewerkn | brontekst bewerken]

Frans Debrabandere volgde zyn humaniora an 't Sint-Amandscollege van Kortryk (laureoat 1952). Zyn belangstellienge vo woordn, 't ountstoan en d' evolutie, begost in de lessn "toalstudie" in d' hoogste klassn van den humaniora. D' interesse is ton verder gegroeid binst de colleges Middelnederlands, vergelykende sproakkunst van de Indogermoansche toaln, Gotisch, historische sproakkunst van 't Nederlands, Oudhoogduuts en Middelhoogduuts an den universiteit. Je volgde Germoansche filologie an de KU Leuven: licentioat (1956), doctoroat (1965).

Carrière[bewerkn | brontekst bewerken]

  • Debrabandere was docent Nederlands en Duuts in 't pedagogisch hoger ounderwys van 1958 tout 1994.
  • Van 1983 tout 1984 was 'n hoofdmedewerker van 't Nederlands Toalounderwys vo de Nederlandsche Toalunie in Den Haag.
  • In 1969 wierd 'n lid van de Keunienklikke Commissie vo Toponymie en Dialectologie. Je wierd in 1973 secretoaris van de Vlamsche ofdêlienge, en sedert 1985 is 'n secretoaris generoal.
  • Sedert 1970 is Debrabandere lid van de stroatnoamncommissie vo de stad Brugge.
  • In de periode 1972 tout 2000 was 'n lid van de Provincioale Commissie vo Geschiedenisse en Volkskunde.
  • Van 1973 was 'n lid, en van 1979 oundervôorzitter van de Keuninklikke Commissie van advies vo platsnoamgevienge West-Vloandern.
  • J' is lid van de Provincioale Commissie vo Toale en Letteren sedert 1983.
  • In 1966-67 het 'n meegewerkt an de radio over familienoamn vo BRT2 West-Vloandern, en in 1983-85 an toaltips vo BRT1.
  • Je was lid van de redactie van Doceo van 1965 tout 1972, hoofdredacteur van De Leiegouw sedert 1959, lid van de redactie van Nu Nog van 1976 tout 1979, van Nederlands van Nu sedert 1979, redactielid sedert 1980 en secretoaris sedert 1989 van Brugge die Scone.
  • J' is stichter, secretoaris (van 1958), oundervôorzitter (van 1961), vôorzitter (van 1981) van De Leiegouw uut Kortryk.
  • Debrabandere was bestierslid, secretoaris en (ounder)vôorzitter van 't West-Vlams Verbound van Kringen vo Heemkunde in de periode 1962 tout 1994.
  • Van de Verênigienge Algemêen Nederlands (vôdien VBO) is 'n secretoaris sedert 1963, vôorzitter van d' ofdêlienge West-Vloandern van 1973 tout 2000, lid van 't hoofdbestier sedert 1971, oundervôorzitter sedert 1976, en algemêen vôorzitter in de periode 1979 tout 1998 en sedert 1999.
  • In 1963 was 'n de medestichter van de Vlamsche Verênigienge vo Familiekunde.
  • Van 1993 tout 2006 was 'n vôorzitter van de Road vo Cultuur van de provincie West-Vloandern.
  • Je was lid van de Road van Advies vo 't Vroegmiddelnederlands Woordenboek in Leiden van 1993 tout 2000.
  • Sedert 1995 is 'n medehoofdredacteur van 't Etymologisch Woordenboek van 't Nederlands in Amsterdam.
  • Sedert 2001 is 'n vôorzitter van de begeleidingscommissie vo 't Oudnederlands Woordenboek in Leiden.

Publicoaties[bewerkn | brontekst bewerken]

  • Kortrijkse persoonsnamen omstreeks 1400 (1958)
  • Studie van de persoonsnamen in de kasselrij Kortrijk 1350-1400 (1970)
  • Van voornaam tot achternaam (1971)
  • Persoonsnamen in het Kortrijkse 1300-1350 (1971)
  • Kortrijkse naamkunde 1200-1300 (1980)
  • Het Kortrijkse dialekt (1986)
  • Verklarend woordenboek van de familienamen in België en Noord-Frankrijk (1993), groundig erziene uutgoave (2003).
  • Kortrijks woordenboek (1999)
  • Wat woorden weten (2000)
  • West-Vlaams etymologisch woordenboek (2002)
  • Mêer of 1000 bydroagen en boekbesprekingen over noamkunde, dialect, etymologie en toalzorg
  • Oost-Vlaams en Zeeuws-Vlaams etymologisch woordenboek (2005)
  • Zeeuws etymologisch woordenboek (2007)
  • Woordenboek van de familienamen in Zeeland (2009, ip 't internet)
  • Verklarend woordenboek van de Vlaamse gemeentenamen (2010)
  • Brabants etymologisch woordenboek (2010)
  • Limburgs etymologisch woordenboek (2011)
  • Mijn familienaam (2012)

Pryzen[bewerkn | brontekst bewerken]

  • Laureoat universitaire wedstryd van de K.U.Leuven (1955-1956)
  • Doctor Dupontprys (1965)
  • Prys vo Toalkunde van de Keunienklikke Vlamsche Academie vo Toal-en Letterkunde (1966)
  • Doctor Jan Graulsprys van de Keunienklikke Academie vo Nederlandsche Toal- en Letterkunde (1979)
  • Visser-Neerlandiaprys (1999)
  • Rheinlandtaler (2001)
  • Eremerk dr. J. Weyns (2006)
  • Kruyskamp-Prijs (2009)

Externe koppelienge[bewerkn | brontekst bewerken]