Ganzemeur

Van Wikipedia
Ga naar: Begunplekkn, zoeken
Stellaria media

Ganzemeur of goezemoeze (Stellaria media, vogelmuur in 't Nederlands) is e plante uut de familie van de anjers. 't Is e sôorte van wiet die populair is byn veugelkwêkers, veugelièreveugels zyn zot van de bloemn en de zoaddoozn.

Uutzicht[bewerkn | brontekst bewerken]

Ganzemeur met bloeinde uutlopers

Ganzemeur et êen wortel, mo de plante kut indeliks verre uutloopn. De stiengels en de bloarn zyn groene (ol kunn de stiengels oltemets e bitje rôod uutsloan), de bloemn zyn wit en in de vorme van e sterre (stellaria komt van stella, die Latyn is voun sterre). In de zoaddoozn, die ossan no beneen hangn, zittn der zworte zadjes (an ze rype zyn).

Verspreidienge[bewerkn | brontekst bewerken]

Ganzemeur groeit in hêel Europa en Nôord-Amerika. 't Groeit surtout in goein ground, lik stikkn, hovetjes en broakgroundn.

Gebruuk[bewerkn | brontekst bewerken]

De mêeste menschn probeern ganzemeur dôod te sputn of uut te trekken, mo veugelkwêkers geevn 't oltemets an nunder veugels omdan der vele vitamienn en kloekte inzit. De stiengels en de bloarn kunn oek in e saloatje versneen zyn.

Voun de reste zoudt et oek helpn teegn schurft, bronchietn, reuma, artritis en teegn menstuoasjezêer. 't Zoudt oek goed zyn voun over sneejn, verbrande plekkn en verstuukiengn te wryvn, mo 't bestoat voun die diengn gin weetschappelik ounderzoek.

Externe koppelienge[bewerkn | brontekst bewerken]