Griekse goodn

Van Wikipedia
Stamboom van de Griekse Goodn

Der zyn vele Griekse goodn, mo de bekendste zyn dedie va den Olympusberg (in 't nôordn va Grieknland). De meeste van ier oendr zyn va den Olympusberg, mo de oenderste nie ollemale.

  • Zeus is den opprgod, 'n is de zeune va Kronos. Zeus is de god van de dunder en de bliksem en zyn bienaamn zyn Wolknverzamelaere en Bliksemslingeraere.
  • Hera is de vrouwe en de zustr va Zeus, z' is dus ook e dochtr va Kronos. Zy is de beschermster van de vrouwe en de godinne van 't huwelik.
  • Poseidon is e broere va Zeus en dus ook were de zeune va Kronos. 'n Is de zeegod met de drietand en zyn biename is de aardschokkr.
  • Demeter is de godinne van de landbouw en de vruchtboarheid. Zy zorgde voe 't voedsel voe de Griekn.
  • Dionysos es de zeune va Zeus en Semele. Je droenk tie al ne ké geirn e glazetje, want jis tie de god va de wien en de feestn.
  • Hermes is de zeune va Zeus en Maia (da 's e dochter van Atlas) en 'n is de bode va de goodn. 'n Is de god va de list en de handel(-oars) en de dievn. 'n Is ook de begeleidr van de schimmn no 't huus va Haides.
  • Athena is de dochtr va Zeus. Ze was ut vulle waapnutrusting ut Zeus zyn hoofd gekomn, en Hera voend da nie zo geestig. Athena is de godinne van de wysheid en eur bienaamn zyn Pallas en Tritogeneia.
  • Ares is de zeune va Zeus en Hera en niemand et em geirn omdat 'n de god va den orlooge is.
  • Afrodite is de dochtr va Zeus en Dione, of ze is uut 't schuum va de zee geboorn. Zy is de godinne va de schoonheid en va de liefde.
  • Apollo is de zeune va Zeus en Leto, zen tweelinkzuster is Artemis. Apollo is de god va 't licht, d'harmonie, de kunsten en de weetnschappn.
  • Artemis is de dochtr va Zeus en Leto, en eur tweelinkbroere is dus Apollo. Zy is de godinne va de jacht. Zy brinkt e pynloze dood me eur zachte pyln.
  • Hefaistos is de zeune va Zeus en Hera, mo Hera moest em eest nie en, en dus e ze zy em va e berg gesmeetn. Doarom stoat 'n em bekend als de kreupele god. Mo 'n e wel twee rechtrhandn, wan 'n is de god va 't vier en de smeedkunstn.
  • Haides is de god va den oenderweireld, 'n is e zeune va Kronos en e broere va Zeus.
  • Eris is de godinne va de ruzje en de twist. Volgens de mythe is 't deur eur dat'n Trojoansen orloge is begost.
  • Helios is de zeune va Hyperion en 'n is de god va de zunne. Em rydt iedrn dag me ze zunnewaagn roend.
Wikimedia Commons