Hendrik Bogaert

Hendrik Bogaert (Brugge, 30 ogustus 1968) es ne West-Vlamsche polletieker by de CD&V.

Carrière

Hendrik Bogaert wos preses in de studentnverênigienge 'Ekonomika' in Leuven, woar da't ie Toegepaste Economische Weetnschappn studeerde an de KULeuven. In 2000 es't ie ipgekoomn by de gemêenteroadsverkiezingn, en verkoozn in Jabbeke als scheepn van ruumtelikke ordenienge. In 2001 es't ie oundervôorzitter van de party gekoomn by de vernieuwienge van de CD&V. Sedert 2003 zit ie in 't federoal parlement vanuut de êeste ipvolgersplekke ip de lyste. Doar es't ie de begrôtiengsspecialist van de CD&V en zit ie in de commissies Financiën en Begrôtienge. By de gemêenteroadsverkiezingn van 2006 es't ie verkoozn gewist tot burgemêester van Jabbeke. By de parlementsverkiezingn in 2007 trokt ie de koamerlyste voo de CD&V

Van 6 december 2011 toet 11 oktober 2014 was 't ie stoatssecretoaris vor Ambtenoarnzoakn en Moderniserienge van d' Openboare Dienstn in de federoale regerienge Di Rupo.