Hugo van der Goes

Van Wikipedia
Ga naar: Begunplekkn, zoeken
Dood van Maria: Van der Goes ip zyn oogtepunt.

Hugo van der Goes (ca. 1442 – 1482) was e kunstschilder uut de twiddn elft van de 15e eeuwe. Je makte deel uut van de schole van de Vlamsche Primitievn.

Zyn leevn[bewerkn | brontekst bewerken]

Over den eestn elft van z’n leevn ist er bykan niks geweetn.

Je zou round 1442 in Gent geboorn zyn. Van 1467 wast 'n meester in de schildersgilde van Gent. Je werkte doa tien joar en kreeg ipdrachtn van ’t stadsbestier, de kerkelikke instellingn en de Bourgondische ertoogn.

In 1477, ip ’t oogtepunt van z’n loopboane, et ’n em gevestigd ols conversbroeder (e soorte leeknbroeder) in ’t Rood Klooster in ’t Zoniënwoud by Brussel, mo je bleef ipdrachtn uutvoern.

J’a last van depressies en in 1481 kreegt ie 'n inzinkinge. Je zou ’t werk De dood van Maria in de latste fase van z’n leevn gemakt en.

Je stierf in 1482.

Zyn werk[bewerkn | brontekst bewerken]

Z’n meesterwerk, de Portinari - triptiek (Galleria degli Uffizi, Florence), is van z’n Gentse periode (1467-1477). ’t Drieluuk was in ipdracht gemakt van Tommaso Portinari, de vertegenwoordiger in Brugge van de Medicifamilie, de Florentynsche bankiersfamilie en belangrykste geldschieters van de Bourgondische ertoogn.

’t Centroal paneel is de Anbiddinge van d’erders. Ip de zypaneeln zyn de Portinari’s ofgebeeld met under beschermillign. 't Feit dan de Portinari's zo klene ofgebeeld zyn et e symbolische betekenisse. 't Toogt under lêgere rank.

Z’n latste voltooid werk De dood van Maria (Groeningemuseum, Brugge) et ’n verzekers round 1470 gemakt vo de Duunnabdy van Koksyde. ’t Wordt anzien ols een van de belangrykste meesterwerkn van de 15e eeuwe. Kenmerknd vo ’t werk is de realistische, expressieve weergoave van de figeurn en de bewegingn.

D'r stoa nievers e signateure of joartal ip z'n paneeln en doarom is de dateringe van z'n werkn styf moeilik t'achteroaln.

Hugo van der Goes is lik Jan van Eyck en Rogier van der Weyden ’n alleenstoand fenomeen. J’inspireerdeg' ook veel generoaties kunstenoars en je wordt anzien ols de modernstn van de Vlamsche Primitievn.

Portinari - triptiek
Wikimedia Commons