IP-adres

Van Wikipedia

En IP-adres of Internet Protocol (IP) Adres es nen nummero deur nen ordinateur gebruukt vo nen anderen ordinateur ip 'n Internet Protocolair netwerk t'erkenn.

IPv4[bewerkn | brontekst bewerken]

In weezn zyn da lange binaire nummers, tes te zegn 32 bit. Ollêne vo ze leesboarder te moakn verdêeln me ze in vier groepkes van acht bits. Oa je die vier groepkes ton appart ommerekent noar ons decimoal stelsel kryg je vier gehêle getalln van oogstens 255.

Et grôte binaire getal wierd verdêeld in twêe stikkn. E "Netwerk" dêel en e "Gastêere" dêel. Den ordinateur gebruukt iervoorn e subnetmasker. Dat es e binair getal woavan de effectieve posities binn da getal die deur den ordinateur moetn wordn gebruukt om et netwerk te kenn wierdn angeduud me "1" en oal de reste die toen stoat vôor de nummero van den ordinateur binn da netwerk me "0". G'et drie sôortn subnetmaskers: Klasse A, B en C. In Klasse A zin de jiste 8 bits (et êeste octet) t netwerkdêel, in Klasse B zin da de jiste 16 bits (de êeste twêe octettn) en in Klasse C de jiste 24 bits (de êeste drie octettn). Tes belangrik in te ziene da de ipsplitsinge in netwerk en gastêere dêel dus nie vastlig, mo eignlik geweun n zoake van interpretoasie es.

Vb. De mêeste routers zyn geconfigureerd om et netwerk 192.168.0.0/16 te gebruukn woavan de router zelve ton 192.168.0.1 es. Da wilt zeggn dat da netwerk wierd bepoald deur e subnetmasker van 16 bits:

Omschryvinge Decimoale Notoatie Binaire Notoatie
Ordinateur (de router) 192.168.0.1 1100 0000.1010 1000.0000 0000.0000 0001
Subnetmasker (16 bits) 255.255.0.0 1111 1111.1111 1111.0000 0000.0000 0000

Da makt dus da onzn ordinateur (in da geval de router) nummer 1 es van et klasse C-netwerk 192.168

IPv6[bewerkn | brontekst bewerken]

De merde mee IPv4 adresn es datr eignlik nie zo hjil vee meuglikeedn zin. Me daze 32 bits lang zin, zin der dus 2³² meuglike combinoasjies, wa dater ongeveer 4.3 miljard zin. Da e dus zelvs minder ofdater minsn ip de wirld zin. Doarbie kom nog dater sommige adresn eignlik nie gebrukt meugn wirn in t publieke internet. T vworbild van doaves, 192.168.0.0/16 es gereserveerd vo privégebruk en da zin dus ol were n pwotje adresn daj nie kun beezign.

Vo da, en jinigste andre, problim an te pakn, en de mann van dn IETF (Internet Engineering Task Force) rond 1995 IP versie 6 vworngesteld. De bedoelinge es da ip termin olle IP adresn in de wirld IPv6 komn. Omdat nie meuglik es van de hjile wirld te orkestreern vo ip jin bepoald moment over te skoaklen ip n nieje versie e dien overgank geleidelik an ant gebeurn.

Jin van de grwotste verskiln tusn versie 4 en 6 es da de IPv6 adresn ve langer zin. Ze zin 128 bits lang, dus 4 ki de lengte van de IPv4 adresn. Doavan zin der straf ve meuglike verskilnde combinoasjies.

Externe koppeliengn[bewerkn | brontekst bewerken]