Instituut Mariawende - Blydhove
't Instituut Mariawende - Blydhove is e middelboare schole me twêe vestigingn: Mariawende in de Boogschuttersloane up Sint-Kruus en Blydhove in de Generoal Lemanloane in Assebroek. Je kan ter de volledige cyclus TSO en BSO volgen.
Meugelikke studierichtingn
[bewerkn | brontekst bewerken]TSO
[bewerkn | brontekst bewerken]- 1e joar: 1 A
- 2e joar: Handel; Socioale en Technische vorminge; Techniek-Wetenschappn
- 2e groad: (=3e en 4e joar): Handel; Handel-Toalen; Socioale en Technische Wetenschappn; Techniek-Wetenschappn
- 3e groad: (=5e en 6e joar): Boekhoedn-Informatica; Secretarioat-Toalen; Socioale en Technische Wetenschappn; Gezoundheids- en Welzynswetenschappn; Techniek-Wetenschappn
BSO
[bewerkn | brontekst bewerken]- 1e joar: 1B
- 2e joar: Kantôor-verkôop, verzorginge-voedinge; mode, verzorginge-voedinge
- 2e groad: (=3e en 4e joar): Kantôor; Verzorginge-voedinge
- 3e groad: (=5e en 6e joar): Kantôor; Verzorginge
- 4e groad: (=7e joar): kantôor; Thuus- en bejoardenzorg; Kienderzorg
Geschiedenisse
[bewerkn | brontekst bewerken]Historie Blydhove
[bewerkn | brontekst bewerken]Blydhove is gesticht in 't begun van de joaren 50 en wos een beroepsschole vo kienderverzorgsters. D'uprichtinge van de schole gebeurde met d'ulpe van de sociëteit van Maria, 'n orde me vele andacht vo de kienderzorg. Up dezelfste ground van de schole wierd ôok 'n kienderkribbe gebouwd, zodoanig da de lêerlingn zovele meugelik praktiekervoaringe kosten updoen.
In de joaren 80 startten d'er nieuwe ofdêelingn gelyk de technische afdêlinge Verpleegaspiranten. D'er wierd mêer andacht bestid an de bejoardenzorg. In ol d'ofdêlingn wierd gekeekn vo de lêerlingn veel kanse te geven vo 't gêne da ze in de theorie lêerden, ôok in de praktyk toe te passn.
Historie Mariawende
[bewerkn | brontekst bewerken]In 1959 was 't 'n andre orde van zusters, noamelik de Zusters van Maria van Pittem, die Mariawende als handelsschole vo meiskes uprichtte.
In 1981 en '82 kwoamen de studierichtingn Techniek-wetenschappn en Sociaal-technische d'erby. In 1983 wos 't begin van 't V.S.O. ('Vernieuwd Secundair Onderwijs') en azô begost in Mariawende het gemiengd ounderwys.
De schole wierd ook veel te klène en d'er wierd 'n nieuwe vleugel bygebouwd. In 86 kwam d' ofdêlinge Klêdinge vanup St.-Jozef noa de vestiginge te Sint-Kruus.
Fuusje
[bewerkn | brontekst bewerken]Instituut Mariawende-Blydhove is up den 1e september 1998 gestart achter n fuusje van Blydhove en Mariawende.
Scholengemêenschap
[bewerkn | brontekst bewerken]Vanof den 1e septembre 1999 makt Mariawende-Blydhove dêel uut van de scholengemêenschap St.-Moarten (Nederlands: St.-Maarten).
Lêerlingenbegeleidinge
[bewerkn | brontekst bewerken]Lêerliengenbegeleidinge es entwa dat in Mariawende-Blydhove hêel vele andacht krygt en da deur de ouders hêel sterk g'apprecièrd wordt. D'er es individuele leerlingenbegeleidinge, er is begeleidinge van t CLB, er ligt veel nadruk up "Lêern lêern", lêerlingn me dyslexie en dyscalculie wordn goêd upgevangn.